Blogs

Methodist Kriccawbuu Thokeinaw Kong

  • 1970 kum kya Mara Independent Church kyate Zotung ram lang hynh thehooypaw bya vah honaw hae thungte puichuinaw va mawe hae. 1972 kum kyate Methodist kriccawbuu la Baptist kriccawbuukyate a vapalehkuh hae. 1972-77 rya hynh Falam District, Hakha Circuit lungkhu a va um hae. 1979kum te Rezua Circuit la pya hae. Circuit Superintendent la Rev. Sang Hu nynh va nung hae. 1980 kum kya hynh Rev. Chung Kung nynh bua va hae ki. Rev. Chung Kung hynh 1983 kum rya va hae zah 1984 kum te Rev. Sang Hu nynh Circuit Superintendent late 1989 kum kya rya bua va hae ki.

    1990-91 ryacia Rev. T. Maung Bik nynh Circuit Superintendent a hae ccyh kyate Conference nynh Area Council kha oun pya zah Area Council te daha thuazah Circuit ccangthum la phia a thua.
    1) Rezua Circuit
    2) Tuibyng Circuit
    3) Sawti (B) Circuit hae nynh a thua hae. 1991-1999 kya rya Rev. T. Maung Bik nynh Area Council Chairman la a hae. 2000-2002 kum rya Rev. Lung Thang nynh Area Council Chairman la a hae ate 2003 kyate Rezua District kae mawe. 2003-2004 kum rya Rev. Lung Thang nynh District Chairman hae zah 2005-2006 kya Rev. Soe Uke nynh District Chairman la a hae.

    Atunin kum 2007 kya khate Rev. Sang Kih nynh District Chairman la hae zah District lungkhu dahannaw te cciakhaekunaw hae tuh akawla e hawte nynh athua.
    Ryalahtu Hae                                                                                                   Zung kya Ryalahtu hae
    1. Ministers (Rev.)                   – Lu 3                                                                 1. District Chairman                       – Lu 1
    2. Full-time Lay Pastors            – Lu 3                                                                 2. Synod Secretary                          – Lu 1
    3. Part-time Lay Pastors            – Lu 3                                                                 3. Accountant                                 – Lu 1
    4. Evangelists                         – Lu 3                                                                 4. Clerk                                         – Lu 1
    5. Women Secretary                – Lu 1                                                                 5. Peon                                          – Lu 1
    *** Society cca (11) te milu (1,500) acih.

    – Rev. Sang Kih (Chairman)
    – Rezua District

    -Zotung Christian Diamond Jubilee 2008