Blogs

Rezua Baptist Kriccaw Thokeinaw Kong

  • Thehooybya A Teenaw Te Kriccaw Tangnaw

    1786 loukaw kyate Rezua khua tuh Sesi khua te va cceih hae zah khua a va zua hae. Tuh ccyh lyaze nungpaw hae tuh kum saepi cia hynh raetu Pachia va ny khyh keiccu hae ze, koikua maeccang Setan beikte nynh vah um hae.

    1927 kum kya accozah nynh primary siainn oun va pya hae. Masaty sazae tuh Pu Zam Bik (Saktapaw) nynh thua. Tukoute sazae lang a va tangpaw tuh U San Hnin (Sihmun khuapaw) nynh a va thua. Amaw tuh Thangtlang pee paw thuazah Pachia a beikpaw zyntu lu kheit nynh a va thua. Tuh lyaze Rezua khua kya siainn a kae hae paw tuh:
    1) U Bawi Kung
    2) U Sa Rung
    3) U Ha Ting
    4) U Sui Le
    5) U Bawi Sung nynh a thua hae. Tuh-e sia-imua hae tuh U San Hning nynh Pachia bya te Pachia hlaw va ccangpya bia hae salamah, zyntu va um khyh hae.

    1933 he oun thua vae te, Paw Khua Ming (Tingsi khuapaw) tuh July saw te kriccaw lang a va tee.
    1) U Kae Sung (Ruava (A))
    2) U Vo Lung (Siangaw)
    3) U Ccue Taw (Thanglang)
    4) U U Soi (Raso)
    5) U Mo Khung (Langly) mah kriccaw lang a va tee bua hae.
    Thuasalama Rezua minphuin nynh kriccaw lang a va tee bua khyh hae zema Pachia ccacii Rezua khua a ccaw ty nin 1933 kum te ria thuazah 2008 kum kya hynh kum 75 a ccing vae keiccuze “Rezua Christian Diamond Jubilee” tuh 2008 February 1-2 kya hynh tua thua.

    1947 kum kya Rezuapaw U Vua Khe tuh kriccaw lang a va tee. Tukoute U Le Tha mah a va tee bua. 1948 February saw tuh U Vua Khe, Rev. Khe Hang te U Mo Raw (Hingthang) tuh HBA ram Hniarlawn khua kyakhe Rev. Nawl Tling nynh tuipi a va ing sah hae. 1948 kum kyate Kriccaw lang bua a va tee haepaw tuh:
    1) U Le Ba
    2) U Kae Sung
    3) U Tin Le
    4) U Le Zah
    5) Daw Lo Thae
    6) Daw Khua Cia nynh a thua hae.

    1949-1950 kum kyaze Kriccaw lang a tee hae paw tuh:
    1) U Lia Ke
    2) U Ccing Khe
    3) U Kae Bung
    4) U Lung Chia
    5) U Ho Thang
    6) U Raw Ni
    7) U Bawi Kung
    8) U Bawi Sung
    9) U Sua Ccung
    10) U Lo Ring
    11) U Sae Kung
    12) U Khua Pheh
    13) Daw Ni Saw nynh a thua hae.
    Tuhawte Rezua khua (atu Khuaryng) kya Kriccaw tuh houhouh a va lungthung hae keiccu Ram-uk bawipaw U Sa Rung nynh va do ry vae khyh hae. Tukeiccuze 1951 kum kya tuh U Bawi Sung nynh Mopi langkhe Khua a va zuakhae hae. Mopi laephi kya khuasak kho nawlan tuh Rev. Sa Lang nynh Pachia kalan sawsang te hythua a va ngiapya hae. Tuh-e Mopi laephi (Mopi khua) tuh atu ze Baptist Beikinn umnaw te vuanthang umnaw balyn nynh a thua.

    1951 kum kya Mopi khua Johnson siabawipaw a va thua lya zema Rezua khua kya Kriccaw milu 28 a cih vae cite ccaw a zeipaw a um.

     

    Zotung Christian Diamond Jubilee 2008 kya-e nynh a thua.

     

    Zo Haetapaw's photo.