Blogs

Zotung minphuin halang langpi rotu hae

  • 28 February 2005 Monday

     CRC zong kya te San Kual nih Paw Thang Thein Lian kalang phone ae sehzah, Zotung kumccing leipaw haetuh naccia khae vaeaw tou cite a khia. NGO te UNHCR zonglang min ccazing pung kaepya kyvae cite Paw T T Lian nih aho pya. CRC San Kual nih, athua langze NGO te UNHCR zonglang napya ohpaw min ccazing tuh muihbua kary zah CRC zonglang naepae buacih zah min ccazing blyng naeccyng biakheh cih cite Paw T T Lian kyakhe banei te aho pya.

     

    Masaty lyaze San Kual nih Zotung minor cciakhae naw kunglang rawte hote langpi pinglang cite zuakawh zah, kaping khovae ngaw khyh cipaw anyng vae keiccuze banei te bua aho cipaw hynh muih athua.

     

    Paw Thang Thein Lian (ZCF Chairman) nih ZCF piccang hae athuapaw;

    Paw Khe Mua (Vice chairman)

    Paw Win Maung Lian (Secretary) te

    Paw Saw Bik (Asst. secretary)

     

    hae kalang thae sahae zah CRC zonglang paelang cite paccyng kunaw ahoi hae. CRC zonglang accia maw haeze, Malaysia ram kyaze Zotung nungpaw lang umpaw Pu Cia Khai (Calthawng, ZCF advisor) ryte masaty tungku te byarua kheh athua.

     

    10:30 am

    CRC zonglang Zotung piccang luh 4 te apae buahae. (Paw Khe Mua, Paw Win Maung Lian, Paw Saw Bik te Paw Thang Thein Lian ). CRC zongkya athua haete, San Kual nih amaw ii naw room kalang Zotung piccang hae hynh kohae zah, ccangpaw CRC ryalahtu luh 1 sang umbua leite bya hokheh (meeting tua) athua.

     

    Masaty lang, Paw Thang Thein Lian nih kumccing leipaw hae kunglang te kyngkawh zah, Zotung piccang haenih pawkeiccu mou NGO te haekya bungnaw ngiate UNHCR zonglang cciakhae naw kunglang hynh akawlang thyhhaw te aho.

     

    Minor kunglang

    2004 kum kya, CRC hruinaw thawngte Zotung kumccing leipaw haehynh luhpali (4) kyalya nih aphi hae. Kumccing leipaw Zotung minor hynh 80 lae cizah, kumkheh ze ccungccaw luh 4 te cciakhae lang thuaze kum 16/17 aro vae cizah, atu nin kya kum 16/17 acih paw haetuh kum 34/35 lang ae cih vae cihae. Athua keiccuze tunin ccyh kya tuh amih kum hynh pong aloi vae cizah, kumccing leipaw (minor) langte mah suhku kho thuavae ngaw khyh. Athua keiccuze tuhning ccyhkya Malaysia UNHCR zongkya hynh, Ching minphuin nih refugee suhku kho aum umngaw cipaw mah nyngkho/ hokho umvae khy. Athua keiccuze Zotung piccang haenih NGO te kyngkunaw langpi ccungte kumccing leipaw Zotung ccungccaw hae halang ryalaw paw nih athua.

     

    Serial Number te phipaw kunglang

    CRC nih, nin 1 ze ccungccaw luh 8/9 naccia khae awzah UNHCR zongkya register natua pya oh. Sawpaw sakheh ze UNHCR zonglang nae ccungccaw hae 100/150 nathua khae oh. Tu e kya, Zotung minphuin kaetei kho buakhyh zah nintakyh te kae mui langpaw rights hynh kae sungvae cipaw kaemuih. CRC kya te summit tuapaw Serial number te kaesuh kawh bua vaesah cite kae ngawzah, serial number thyhhaw te philang kae ccang zeimah, nae maw ccungccaw haete na rulae keiccu aw atu nincia kaephi kho buakhyh. Athua keiccuze NGO lang te bungnaw kaengia haezah UNHCR zonglang kaeccia buapaw kunglang CRC kyate thaethyanaw nahoi ngaw aw cipaw zyngnaw kae hoi. Nynglang paw tuh, Zotung ccungccaw blyng te kaeccia khaepaw thuakhyh, kumccing leipaw te kum 55, athah lang, ada leihae paw hae kyalya nih ccia khae athua.

     

    Special Registration kunglang

    Pintu – 1, umhaepaw Zotung minphuin haehynh ablyng 280/300 acih. UNHCR kawhoitu hae nih rakaw umhaepaw refugee hae halang special registration programme te aphi sahlya haeze, Limau manis um hae paw Chin minphuin (Thangtlang 85% te ccangpaw minphuin 15%) haetuh register tua pahae zah, pintu –1, umhaepaw Zotung minphuin hae hynh register tuapya bualei te aum paw hae akunglang hynh ahoi te nyng kaery. CRC piccang hae nih pintu 1, kya aum pawhae kunglang UNHCR zong kalang thaesahnaw nahoi khyh oh cipaw kae muih. CRC nih Pintu-1, e min ccazing nalaw ohpaw hynh UNHCR zonglang thuakhae leite nazo sah oh cite zyngnaw kaehoi.

     

    Zotung interpreter kunglang

    CRC te CRC ryalahtu piccang haetuh Chin minphuin pi halang ryalahtu hae cite Zotung piccang hae nih zyngnaw, uhpahnaw kae hoizah UNHCR zongkya, Zotungbya lehlangpaw interpreter hynh CRC piccang hae kalang te UNHCR zonglang nyngsuh pyabua khonaw lang, nakya (Sang Kual) kaethae sahnaw hynh myarya asaw vae. Thuasah lamah, atunin cia Zotung byaleh tupaw kaehoi kho khyh. Ester (Hnaring nung) aum pawtuh ahoi, thuasah lamah Ester tuh Zotung minphuin athua khyh keiccuze Zotung minphuin blyng halang ccingkho khyh. Athua keiccu, Zotung interpreter kunglang CRC nih ryalaw naw hynh nyng kae ry.

     

    Zotung refugee halang Zotung community (ZCF/ ZRC)

    Refugee kunglang te Zotung community (ZCF/ ZRC) kaehoivae keiccuze refugee te aseikawh te Zotung minphuin haenih CRC zonglang aeccia hae thuaze kaemaw Zotung community piccang hae kalang nyngthae sacih oh cite anawh langlya vaekheh kaeho pyavae oh. Thuasah lamah atunin ccyh kya dolang CRC nih rya nalaw naw awkya accing leinaw patae muihlang aum.

     

    Anawh langlya CRC kya te Zotung ccungccaw luhkheh Cameroon highland lang na saw aw zah emergency card narae sah oh. Cameroon highlang aum paw Zotung minphuin hae halang Zotung community kyate kaerae paw CRC emergency card, aum pi te CRC nih ccungccaw sawte bua naerae awkeiccu Zotung community kya kaemaw te kaemaw thaeku seinaw aum. Athua keiccuze nyalang Zotung minphuin te aseikawh paw refugee ryalawnaw miakaw tuh Zotung piccang hae kalang nyng thaesah cih oh.

     

    San Kual kya te bya leh naw

    NGO kya te kyngku naw narae awzah kumccing leipaw Zotung minphuin hae naccia khaenaw aw kya ahoite rya nalaw aw aho. Pawkeiccu cize kumccing/tang vaepaw hae naeccia khaelang awze UNHCR zongnih zyngnaw aehoi ngawkhyh aw. CRC kyate minor athua/ thuakhyh hae cipaw kaedo cihae zah, UNHCR zonglang te NGO piccang hae kalang kaethae sacih hae cite aho.

     

    Kumccing leipaw cite Zotung ccungccaw 80 laekya, kumtang vaepaw hae athua ze rikhae kute nawhlang thungkawh haesah cipaw paccyng nawte hynh e bya aho cipaw muih athua.

     

    Zotung minphuin piccang haenih NGO te kyngku te UNHCR zonglang ccianaw langpin nahoi paw aw tuh CRC kyate thaesei naw umkhyh. Thuasah lamah Zotung minphuin nih NGO te nakyng ku aw hawte ccaccang paw minphuin Matu, Mara, Zophei hae blyng nih aeccia khaebua hae thuaze Chin minphuin kya thua sah, NGO te UNHCR kya thuasah thae seiku naw ae umkho. Athua keiccu thaw te raring ku te ryalaw aho.

     

    Chin minphuin thuahae zah ccaccang paw bya aho haepaw ccungccaw hae, UNHCR kya e refugee rights mang aemui bua ngaw hae cite, minphuin laesah naw lungthing te bya aho paw hynh ccaea rahrii lang muih athua.

     

    Pintu –1, aum pawhae UN zongnih register atua pya leipaw hae kunglang tuh CRC nih register tuana cite kaeci paw thuakhyh. UN staff hae nih pintu –1, lang accia balei pawhae te register tuapya leipaw haetuh, aum naw haekya atu nincia daezah palih te hrawkaw nih vawsaw naw apya bakhyh hae keiccuze nih athua. Atu ninkya hrawkaw palih nih thuangaw zah vawsaw pya te amih um naw blyng mae arua pyahae thuaze UN zong nih atu maw accia nua cihzah bungnaw apya cih hae.

     

    UNHCR zong nih rakaw umhae paw refugee hae Register atua pyaning haehynh, umnaw area, min, khua te tuapya paw thuakhyh. Special registrations for jungle camp (Putrajaya) cite nih tuapa athua. Thuasah lamah, CRC nih min ccazing akyng keiccuze

     

    Pintu-1 : 35

    Pintu-3 : 25

    Kampong tangan: 26

    Kampong Limau manis: 280

     

    Cite min ccazing list hynh tuahae zah, Jungle Camp (Putrajaya) cite UNHCR zonglang hynh summit atua hae. UNHCR kawhoitu haetuh mihmaw pyngte rakaw lang cciakhyh hae keiccuze, CRC name list hynh amei meikhyh cipaw nyh kho khyh hae.

     

    Athua keiccuze, Pintu-1, Pintu-3, Kampong tangan a um hae paw min ccazing halang CRC San Kual nih a ccungccaw (Thangtlang) hae hynh kohae zah, ccungccaw 80 lae aphi sah hae.

     

    UNHCR zongkya Zotung byaleh langpaw interpreter tuh Zotung refugee asuh paw eh azya keiccu UNHCR zong nih aepya kho ngaw khyh oh. Zotungbya ahopaw, refugee asuhpaw kawhpaw te aphi langpaw alung lang vae thuaze ara mawte aepya cih oh cite aho.

     

    Zotung interpreter hynh UNHCR zongkya te apei kihae cipaw Pu Zotum Hmun nih Zotung piccang haekya mang aho pite CRC Sang Kual nih UNHCR nih peiki lakhyh cite aho keiccuze CRC kyate Zotung interpreter muilang cipaw zyngnaw umvae khyh keiccuze, Pu Zotum Hmun bungnaw thawngte Zotung piccang hae nih zuakawh haezahh, sawpaw sakheh aro ky April nawkheh naw (first week) kya Zotung interpreter luh 2 hynh UNHCR kawhoitu hae nih peikite khainh athua.

     

    Tukyte, aro mawze Saya Hrang Kung bua aethua zah, Zotung byalehtu luh 3 nih Zotung refugee phipaw hae halang ryalaw pya athua. CRC Sang Kual hopaw hynh langae thuaze, atu nincia Malaysia Zotung interpreter hynh ahoikho ngaw khyh oh cipaw muih athua.

     

    Cameroon highland lang e CRC emergency card kunglang te kyngkawh zah Zotung piccang haekya, San Kual nih bya accae te hopah khyh hae. Pawkeiccu cize CRC card area sahtu paw Zotung paw te Sang Kual amaw hynh phua kunglang (card mei) te thaeku naw aho keiccu haeze bya accae te holei te pheh azo sah.