News Home » World » Google Maps camera nynh sakheitnung te sakheitpaw miccakae te um hae paw a muibia/kynbia hae

Around the World

Google Maps camera nynh sakheitnung te sakheitpaw miccakae te um hae paw a muibia/kynbia hae

Zotung Minphuin 14 Oct 7

Atuse sakheitnung te sakheitpaw thua hae paw miakaw raering ku lang myarya um. Paw cih mou cih thua lang zeh, ae raering ku thya lei naw oh nynh ae maw te ae maw maethya naw lang um thua khae. Atu ccykya mah do lang thua zeh, e sakheitnung te sakheitpaw athua hae paw nynh public (karylangnaw) muin kya ahung nynh mah oun mui lang khy hae cite mynku te kuihku te miccakae te a um hae. A raering ku thya khyh keiccu hae zeh nya thya nawlang tuh min maw hanglang maethya naw lang oun thua vae.Tuh thua keiccuze e acih ku seipaw nynh ae hiinnaw oun ccangpah vae sah.

E sakheitnung te sakheitpaw hyn dolang thua zeh Twainese mua kya mawtaw (card) a nungnaw hae nulang kya ahung nynh oun mui ngaw khyh hae cite miccakae te mynku, kuihku te um hae paw nynh thua. Mawtaw a nungnaw hae nulang thua keiccuze ahung ccungccaw nynh oun muih lang khyh hae cite varing tua ku hae paw nynh thua.

Thuasalama Google maps camera mang tuh paw nynh laanpi kya saringawpaw hae um sei zya cite camera te he do tua tuh, sakheitnung te sakheitpaw miccakae te kuihku, mynku te um hae paw kha he mui/kyn bia vae hae. Google Map camera mang tuh paw nynh he a mui bia kou hae te, minmaw konglang tuh social media kya tin zah laephi pynpi ccungccaw hae blyn nynh mui te anyh vae hae.

Google map mang tuh paw nynh “Hyn tahaw paw hyn kae mui cih cite mazih maw ka tua khyh, laanpi kya saringawpaw hae um sei zya cih te ka do paw nynh thua cite aho”. E hae hynh dolang thua zeh, min maw a raering ku thya leinaw hae nynh, min maw hanglang maethya naw oun thua khae.

Aemaw raering ku thya te um lang thua zeh tuh aemaw hanglang hooy naw lang nynh thua. E sakheitnung te sakheitpaw hae um tu ziazae hynh ccangku/doku te, e hae haw te acih bua khyh naw lang aw phe va zua ku sih oh.

Ref: Indiatimes.com