News Home » World » Myanmar Idol season 4 kya zeh hlaw myarya sah thya hae paw chin minphuin hae

Around the World

Myanmar Idol season 4 kya zeh hlaw myarya sah thya hae paw chin minphuin hae

Zotung Minphuin 9 Oct 6

century kya te Vaeram hynh hlaw sah tae kunaw ryry ae lung bua vae. Hlaw sah Tae kunaw patae pi kya ze minthang hua paw Myanmar Idol tuh season 1,2,3 hae tuh alia vaepaw kum kya khe a thang vae. Chin hae mah hlaw sah a tae ku bua he hae.

Atunin kum 2019 tuh Myanmar Idol season 4 a tee mang ccia lya hae nynh thua. Myanmar Idol season 4 kya mah kum hynhawte Chin ccawno hae zawthaw taraw hae mah hlaw sah tae kunaw kya ae zua ku kho bua ki hae paw muih lang aum.

Ccangvae Benjamin Sum, Falam, Kalay Myo kya te Zaw Ki mindat hae tuh Myanmar Idol season 4 kya Chin minphuin min te Hlaw sah a tae ku bua paw nynh thua hae.

Benjamin Sum tuh adih takaw lya te a paaw nynh cciataw paw vae thuazah a Nung nynh do oih paw ccapaw nynh thua. A Nung tuh a vawpaw chi kou te vawpaw ccangpaw hoi vae lei te Benjamin tuh hooy te po a do oih. Tuhthuakiaccuze Benjamin nynh ma a nung tuh koumaw a sungsah.

Laephi vawlang tuh Nung lae a phu e paw te a sung paw um vae langkhyh. ” Nung cancer ccinaw stage 4 a thua vae cipaw ka thae lya tuh myarya ka rih. Ka nung nynh ae cciataw ngaw cipaw hynh ka ri hua cce paw nynh thua” cite Benjamin Sum nynh aho.

Benjamin tuh Kalay University kya Computer te 2nd year kum ning naw a kaee ma ccia paw nynh thua. Benjamin tuh Chin minphuin ramcang um paw hae Singapore te thuasah ram thung naw lang cia hlaw sak lang a ko boi vae hae paw nynh thua.

Chin pyitnay ee Mindat  minphuin hae kalang te Mynamar idol season 4 kya tee te taeku bua paw Zaw Ki zemah aroih myarya hooy paw te hlaw zemah myarya sah thya. Zaw Ki tuh Mindah paw thua zah, Mindat ram kya maw um paw nynh thua.

Zaw Ki tuh atu ccylya Mindat khua NGO kya rya hae mang ccia paw nynh, amaw rya hae naw NGO aphue ccakheit kya zeh supervisor lang te ahae paw nynh thua. Zaw Ki nynh tintan te hlaw sah paw hyn myarya maw a watana/ ary keiccuze arya hae phe ccia taw te Myanmar idol season 4 kya oun tae ku bua paw nynh thua.

Atu nin kum chin hae Myanmar idol season 4 kya tae ku bua hae paw tuh myarya maw hlaw sah thya hae keiccuze ahung hyn nynh thawpya lang cih paw maw dua nyh ku thya vae khyh. Myanmar idol season 4 kya na ry paw lukheit Zaw Ki thua khyh zeh Benjamin Sum tou thaw zung na pya ngaw.