News Home » World » Myanmar Idol season 4 kya tuh Benjamin Sum nynh ccakheitnaw oun um ngaw cite angae hoi paw ccungccaw myarya lung

Around the World

Myanmar Idol season 4 kya tuh Benjamin Sum nynh ccakheitnaw oun um ngaw cite angae hoi paw ccungccaw myarya lung

Zotung Minphuin 10 Oct 6

21st century kya te Vaeram hynh hlaw sah tae kunaw ryry ae lung bua vae. Hlaw sah Tae kunaw patae pi kya ze minthang hua paw Myanmar Idol tuh season 1,2,3 hae tuh alia vaepaw kum kya khe a thang vae. Chin hae mah hlaw sah a tae ku bua he hae.

Atunin kum 2019 tuh Myanmar Idol season 4 a tee mang ccia lya hae nynh thua. Myanmar Idol season 4 kya mah kum hynhawte Chin ccawno hae zawthaw taraw hae mah hlaw sah tae kunaw kya ae zua ku kho bua ki hae paw muih lang aum.

Ccangvae Benjamin Sum, Falam, Kalay Myo kya te  Myanmar Idol season 4 kya Chin minphuin min te Hlaw sah a tae ku bua paw nynh thua.

Benjamin Sum tuh adih takaw lya te a paaw nynh cciataw paw vae thuazah a Nung nynh do oih paw ccapaw nynh thua. A Nung tuh a vawpaw chi kou te vawpaw ccangpaw hoi vae lei te Benjamin tuh hooy te po a do oih. Tuhthuakiaccuze Benjamin nynh ma a nung tuh koumaw a sungsah.

Laephi vawlang tuh Nung lae a phu e paw te a sung paw um vae langkhyh. ” Nung cancer ccinaw stage 4 a thua vae cipaw ka thae lya tuh myarya ka rih. Ka nung nynh ae cciataw ngaw cipaw hynh ka ri hua cce paw nynh thua” cite Benjamin Sum nynh aho.

Benjamin tuh Kalay University kya Computer te 2nd year kum ning naw a kaee ma ccia paw nynh thua. Benjamin tuh Chin minphuin ramcang um paw hae Singapore te thuasah ram thung naw lang cia hlaw sak lang a ko boi vae hae paw nynh thua.

Ccungccaw blyn nynh Benjamin Sum nynh Myanmar idol season 4 kya tuh ccakheit nynh oun ngaw cite a ngae hoi hae. Angae hoi hae thyhaw te Benjamin Sum tuh hlaw myarya sah thya zah aroih zemah myarya maw ngae ryh um paw nynh thua. Thaw na pya ho paw um zeh like te share tua pa khei oh si.