News Home » World » A hlaw kya vae minccah hae cia mtv zah kulang koku kho nung hlawsahthya Shwe Ni Oo (+video)

Around the World

A hlaw kya vae minccah hae cia mtv zah kulang koku kho nung hlawsahthya Shwe Ni Oo (+video)

Zotung Minphuin 8 Oct 7

Zotung minphuin hae hyn do lang thua zeh zoram umpaw thua sah, vaeram um paw thua sah, ramccang lang umpaw thua sah, hlaw sah thya hae paw mah hou hou lung vae hae, thua hin salazemah atunin ciah ae maw zo hlaw te maw akhoi pou sah kho paw ccungccaw myarya zya. Paw cih mou cilang thua zeh tuh vaeram kya hlaw akhoi ccakheit pou sah cipaw hyn myarya ru zah, phua zemah myarya athang paw thua keiccuze hlaw apou sah kho paw hyn myarya zya.

Hyn cite hlaw akhoi pou sah naw aru naw kya zeh Lungngo paw paaw Ro Uk ccanung hlaw sah thya Shwe Ni Oo nynh zo hlaw te thua leite vae hlaw lang te cia akhoi pou sah kho paw kha muih lang um vae. Hlaw akhoi pou sah kho bua paw kya myarya maw saw tua lang um. Hlaw sah thya nung Shwe Ni Oo tuh Lungngo nung thua hin salamah, atu tuh Australia ram Melbourne kya umpaw vae nynh thua.

Shwe Ni Oo tuh hlaw sah naw kya myarya zua ku nung lukheit nynh thua. Shwe Ni Oo hynh do lang thua zeh a muin-san zemah myarya puithya nung te sungsah lang zemah myarya um nung nynh thua. Shwe Ni Oo nynh akhoi thopaw tuh phitalo lang te hung tho paw thua lei te, myarya maw phua thang ku te ahooy hualang atho paw nynh thua.

Australia ram paw um vae thua zemah a hlaw kya ccazosung khyh lang vaeram lang cia thua te myarya minthang paw minccah Tyron tuh a maw a hlaw kya ccazosung khyh lang ko ku te, Tyron te ccazosung khei hae paw nynh thua.

Tuh apiaze zekhaning a hlaw ccakheit pou sah paw kya mah vae minccah athua paw  Zay Ya te a hlaw kya ccazo bua sung khei hae paw kha muih lang um. Singer Shwe Ni OO tuh zotung hae kya zeh masatou lang vae minccah hae te amaw a hlaw kya mtv zah ku tou paw nynh thua.

Shwe Ni Oo tuh myarya maw azua ku nung lukheit thua zah, zotung minphuin zemah oun hangthung nung lukheit thua haw te, zotung minphuin blyn nynh thaw pya bua oh si. Malang zeh hynh lah lae kou kou hlaw zemah oun tho kho naw lang thawzung pya oh si.

. 🎼ခြဲတဲ့ေန႔🎼 ေရး/ဆို- ေ႐ြွနီဦး Music Band – Rose Of Sharon Mixing – Ko Ngwe Za Starring – Zay Ya & Shwe Ni Oohttps://youtu.be/eyi9bBDIIcY အားေပးၾကပါအံုး သူငယ္ခ်င္းတို႔😍 cameramen ကရိုက္မယ့္ေန႔မွာ မလာလို႔ ရိုးရိုးCamera နဲ့ရိုက္ၾကတာ quality မေကာင္းေပမယ့္ခ်စ္ျခင္းေမတၱာနဲ့ပဲအားေပးၾကပါရန္ေတာင္းပန္ပါတယ္ရွင္❤️

Posted by Shwe Ni Oo Singer on Friday, October 4, 2019