News Home » World » Hlawsathya Eaint Chit nynh Phyo Pyae Sone a kynbia hae paw isei konglang te a ho!

Around the World

Hlawsathya Eaint Chit nynh Phyo Pyae Sone a kynbia hae paw isei konglang te a ho!

Zotung Minphuin 12 Oct 7

Inkhawning oct7 ning hlawsathya Phyo Pyae Sone tuh a hooy lei paw isei a re cite pali hae nynh phe a kyn hae cite thongpang tuh a thang.Mihpi hae te a rui a bang hae nynh mah a maw hanlan mih thing myarya phang..

Minthang hlawsathya Eaint Chit nynh zema Phyo Pyae Sone hanlan a ngaethya naw a lang saku.Atu awkhua tuh a hooylei paw isei cite pali hae nynh a kynbia hae paw isei konglang te hynte a ho.

“Playmore tuh Thai ram kya 7/11 kya hae hei relang a zaepaw chochin taraw nynh thua.Ccungccaw pataepi nynh zema e konglang tuh a ny hae paw nynh thua.Google kya ccunglang ze na muih kho cih oh.A ae paw eih lung keiccu online shopping kyate zema a zua hae paw nyn thua”.

“Accyh oun zaw tuh phe oun hooy cih.Beihnaw lang te myarya a cceih paw nynh thua.Hohcite nynh na lunghaw cipawtuh pong kae ny.Ahmepaw a ran te oun laang kunaw lang sawsang te kae bawm”cite Phyo Pyae Sone hanlan ccaw a tin.

Ahooylei paw isei a thua,thua khy cipawtuh pali hae nynh a sihsei ung hae.

Credit-Alita Sui