News Home » World » Myanmar Idol Season 4 kya mihpi hae nynh a ryhuacce hae paw nopi lu(4) hae!

Around the World

Myanmar Idol Season 4 kya mihpi hae nynh a ryhuacce hae paw nopi lu(4) hae!

Zotung Minphuin 10 Oct 7

Myanmar Idol season 4 tuh bua oun thua vae.Mihpi pataepi nynh mah ngaehoi hua paw taekunaw nynh thua.Kum hyn tuh pise hae mawcci nynh ccangkheinaw mue zungzae hae zah atuning kum tuh ccangkheinaw ung lang paw hynh nopi oun thua vema cite mah gaehoi ung.Myanmar Idol season4 kya hlawsah a taekubua paw nopi patae lakukyaze mihpi hae nynh a ryhuacce hae paw nopi lu(4) hae tuh a hum hae mou cipaw a dotua cih oh.

Ester Dawt Chin Sung

A mawtuh a ny vae oh paw nynh thua.Myanmar Idol kya hlawsah a taekubua maw zema a maw chin hae kya min myarya a thang vaepawte Chin idol kyazema ccangkheinaw a mue vae paw nynh thua.Myanmar Idol Season 4 kya a taekubua takawte mihpi pataepi nynh a ryhua hae paw te sohsoh sang a romawze “We Love Sung Sung” cite group zema a maw a sungsah hae paw nynh a raepya hae.A maw zema mihpi pataepi te minthang hlaw sathya hae nynh zema ccangkheinaw oun ung cih cite a ho hae.

Aye Myat Phu

Amawtuh hlawsa tae ku hae paw miakaw balyn kyaze a kum no hua paw nynh thua.Ccangkheinaw oun ung maming cite mihpi patae nynh a ho hae.

Cherry Nan

Amaw tuh myarya mah puithya zah hlaw zema a sahthya hawte ccangvae hae pataepi thinglung pong a cciakhae paw Shan nung nynh thua.Amawtuh hlaw sah makhae thua leite minccami lang zema ka tang ry cite a ho.

Phway Phway San

Phu Phu Kyaw Thei nynh tuh myarya maw a ry paw nynh thua.Hlawsah a tae kulya zema minthang Tin Zar Maw te zema pynkhei lang hlaw a sakheih hae paw lukheih thuazah mihpi hae nynh mah myarya a ry hae paw nynh thua.

Nangning so a hummou na ry hua oh???????

Credit-Alita Sui