News Home » World » Minthang Hlawsathya Phyo Pyae Sone tuh Pali hae nynh phe a kyn hae!

Around the World

Minthang Hlawsathya Phyo Pyae Sone tuh Pali hae nynh phe a kyn hae!

Zotung Minphuin 4 Oct 7

Hlawsathya Phyo Pyae Sone te a banghae lu(2) tuh oct7 ning Yangon Myanmar Plazar coffee neih cciamang hae paw Pali hae nynh thungpang thaethyh haete oun ccianua hae zah a kyn hae.Phyo Pyae Sone te a bang hae lu(2) tuh a hooylei paw si(drunks) a lopaw isei athuh(10) a muih hae keiccuze Bahan Pali hae nynh a kyn hae cite a ho hae hae.

“ atukya hlawsathya Phyo Pyae Sone a ung bua.Hlaw pyatu Ngin Chan Ko a ung bua.A hooyleipaw isei a dotu hae nynh thungpang oun thae sah hae keiccu kae kyn hae paw nynh thua.Myanmar Plazar kya.Kae kyn lyahae isei ccang(10) a ung.Atakawlya kae muihboi paw isei phin thua khy.Myarya a thusan.Phyo Pyae Sone a maw ccacce nynh oun ho pya.Thai ram lang te kae re paw a hooyleipaw isei thua khy a ci.A hooyleipaw isei a thua,thua khy cipaw kae sihsei ung cih.A hooyleipaw isei thualang ze upadi thyh te kae kaethe cih”cite media hae kalang a ho hae.

Phyo Pyae Sone a maw ccacce nynh a hooyleipaw isei thua khy,thairam lang e kae e paw cite phe a ho vae.Phyo Pyae Sone thungpang a thaepaw miakaw nynh lunghooy ku leite a ung hae.

Credit-Alita Sui