News Home » World » Nung Paaw te a sawku hae paw ccaaw hae nynh a kaethungnaw hae a konglang!

Around the World

Nung Paaw te a sawku hae paw ccaaw hae nynh a kaethungnaw hae a konglang!

Zotung Minphuin 7 Oct 7

Ccungccaw a bangtuh myarya thyahaw hae salamah nung Paaw inn kya phang ung bua hae zah mih puinaw khua kya khuasah paw a lung.A zuaku ry paw ccaaw hae nynhtuh thyahaw naw a ccang ku kou hae te nung Paaw cciataw te khohccahccang lang a pou paw ma hung.” Hooy sahnaw kya ung nang,a zaw naw kya ung” cite a ung paw phungpaw hawte nynh thua.Nung Paaw hae te pynkheih lang ungkhei leite a sawnaw lang a ung hae paw ccaaw hae tuh nung Paaw kya ung hae paw lae a kaethung hua hae cite a thya a haw hae paw nynh a ho hae!

A khua a ram kya a ung lya tuh a khuaa hyn a lehua lang te a muih.Thuasalamah mihlae khua lang a thua te a muihnaw oun ko zah,nyhthya naw zema a hoi.A thua boi leinaw khua kya a thuate a loku leipaw sinkhawnaw(challenge) athaw paw a tung oh zah nyalang kaethung naw laanpi lang oun thua khae.

_ Ruibang a thaw paw hoi ku!

Aloku lei paw ram kalang thua kute ruibang a thaw paw oun mue ku haw te tuh e ruibang hae zema ryalah kheitu lang oun tang ku.

  • A maw thaw a maw doliaku thya naw lang a tang!

Nung Paaw inn kyatuh pawpaw mah cyi ho khy.Thuasalama a makhae te a ung ku tuh tynre miakaw balyn a maw nynh cyiku a ho vae.Vawsaw riathae naw zema a maw nynh a makhae vae.

  • Nung Paaw a do-oihtu lang a tangku!

Nung Paaw te a sawkunaw lang me a ung oh zah vae me a luapaw te nung Paaw hae mih vawsaw kya bawmtu ccaaw hooy paw lang oun tang vae oh.

Credit-Alita Sui