News Home » World » Zu hoi kho lei paw nynh zu ke hoi tuh phe ngaebia cih hae(++Video)

Around the World

Zu hoi kho lei paw nynh zu ke hoi tuh phe ngaebia cih hae(++Video)

Zotung Minphuin 13 Nov 5

A bang hae nynh zu hoi hae zah vae(7) a bang hae a thadynkhae kou tetuh zu ka hoi kho tali vae lang khy cite a lahtua ku boi paw bua tuathui te zu a hoi ning kya uinguing ccaelang a rah paw zudy ccangvaepaw video tuh online kya a min phe thaan.

“ka taening de kho vae khy’cite imua haw te a roi phe saw te raw te bya a ho paw muih lang a ung.”kae ka hanlan zuhoi ku cipaw tuh myarya ru paw nynh thua”cite a rah lalia lang te bya a ho bia lang a pe ung paw a zu nynh nuinpazyh lang te a mihphi a hupyapaw zema muih lang ung.

“kae tuh ka bang hae zudy poi kya vae(7) ka thadyn khae vae hae.Atu tuh kae zu ka hoi sahsaw vae!Ka bang hae haw te kae mah nyathya tuh zu ka mue ku vae ii!”cite a lungtua paw mihphi te a rahlalia lang te bya a ho paw muih lang nynh ung.

A kum(30) a cih vae paw ccangvaepaw nynh zudy poi ning a lungtua paw a rawnaw video tuh online kya phe a beih.Lungtua khae oh sih,,HHH

Credit-Alita Sui