News Home » World » Taluh mihrum paw Jack Ma te Pacquiao nynh Mayweather sunkhaw hae pawtuh a thuakho vema

Around the World

Taluh mihrum paw Jack Ma te Pacquiao nynh Mayweather sunkhaw hae pawtuh a thuakho vema

Zotung Minphuin 31 Nov 4

Alibaba ryalaw a thungtu paw Jack Ma nynh a thangvae paw ning kyakha minthaan thungku thya paw Mayweather kha video ccangkhei kyate sin a khaw.Jack Ma tuh a liapaw sawpaw ccyh kyakhe Alibaba ryalaw kyate a hae ung kou te ryachi,ngawraw hae bawm khonaw lang a tuhaw te rya ka hae ung paw nynh thua cite a ho.

Thuasalama zekhahning lang khaw Philipine thungku a thya paw Pacquiao te ruibang lang tang te thungku a thypaw Mayweather kha mih luning te sin a khaw hae.

Oct[27] ning twitter te Mayweather fb kya thungku a ccaankunaw hae paw video balyn tin te Mayweather sinkhaw hae paw kong zema a ho bia hae.A kum[55} a cih vae paw Jack Ma tuh ryalaw hae ung te a shelungkhu kya sinkhaw hae paw zema a ccidue cih ku sah.

Video kyatuh”Floyd Mayweather ahmepaw thungkunaw na ry lang thua ze kae te thungkulang.Hung thungkuhuataw na hungku ry lang thua ze ka bangpaw Jack Ma mang um”cite sin a khaw.

Pacquiao nynh sinkhawnaw bya a ho kou te Taluh mihrum paw Jack Ma nynh zema “ a thua.paccyn kute ka ung vae.Pawccyh kya,pawpawkyazema Many Team tuh a paccyn ku vae”cite a ho.

Mayweather tuh thungkunaw laephi kyate phe hae ung vae paw thuazema Pacquiao te Jack Ma nynh sinkhaw hae paw lehkhan te thungkunaw kalang bua oun thua ta cipaw tuh do a ho ung.

Credit-Alita Sui