News Home » World » Mihpi a lunghua nynh ccangkheinaw mue lang te thaw a pyahua hae paw Myanmar Idol!

Around the World

Mihpi a lunghua nynh ccangkheinaw mue lang te thaw a pyahua hae paw Myanmar Idol!

Zotung Minphuin 36 Nov 6

Kum takyh te tua a thua paw Myanmar Idol hlawsah taekunaw kya ccangkheinaw muelang cipaw tuh a zoi paw mazi thua khy.Pawkeiccu cize hlawsathya makhae thua lei te mihpi hae nynh thawpyahua paw (mee) pya naw nynh zema ccangkheinaw mue naw elang a zici hua paw bua thua.

A thangvaepaw kya mihpi hae nynh a hum nynh ccangkheinaw oun mue cih cipaw tuh zoibaheih te nykho thuasalama a tuning kum tuh a hum nynh oun mue cih cipaw mah tuasethya phe ru vae.Pawkeiccu cize e lu(4)hae maw te thawpyatu mihpi hae patae hoi vae hae apiaze hlaw zema a sathya hae paw bua thua.

Atutuh mihpi hae nynh ccangkheinaw oun mue maming cih cite a tua hae paw lu(4) konglang nynh oun thua cih.

E lu(4) hae laku kya ze lukhakheituh ccangkheinaw oun mue maming cih hae.Vote pya naw kya Zotung ccangvae hae muinsan donang oh lou..HHH…Nang so a hum na ci mou?

Credit-Alita Sui