News Home » World » Laephi pynpi kya nopi ryhryh a zya hua naw ram(11)

Around the World

Laephi pynpi kya nopi ryhryh a zya hua naw ram(11)

Zotung Minphuin 29 Nov 13

Laephi pynpi kya a tu a cyih ku paw tuh nopi ryhryh zyabung zah pise ryhryh a lungthung paw nynh thua.Nopi ryhryh a zyabung naw ram(11) hae tuh paw hae vema?

Norway

Norway ram kyatuh pise mihlu hyn nopi mihlu laeze 12000 a lunghua .

Iceland

Nopi 100 kyaze pise 104 cite pise mihlu dou a lunghua naw nynh thua.E keiccuze nynh a ccozah nynh Iceland ram e pise na law ku oh ze na ae lang oh paw kae ring cih oh a ci cite balyn a thua lei paw thongpang balyn a thang boi.

Kannada

Kannada nopi hae tuh mihlae ram lang vaelua hae zah mih puinaw ram lang a kipaw a zya keiccu Kannada ram kya pise mihlu cciin ning lang a lunghua.

Cyprus

Minphuin ccang hae a nue ku bua hae paw te a ung bua hae paw ram thua-salamah atuningcia nopi mihlu tuh a zyahua lang te nynh ung.

China

Tahlu ram tuh myarya maw a rupaw nynh tung hae.Pise hae mihlu hyn nopi hae mihlu laeze ccaan(34) cia dou lunghua.

Finland

A honaw hae tetuh a lunghua Finland ram hynh kum(25) te kum(54) laku kya e pise hae hynh sakhei nung te zu lang dy kulang paw nopi mazi ung khy cite a ho hae.

Italy

Nopi hae tuh ramccang lang rythy te ryalaw kho naw te thyahaw naw ccangkunaw kaw hoi hae haw ram ccang lang a ung paw nopi eih lung keiccu mih ram kya ung paw nopi tuh myarya zya a ci hae.

Sweden

Ram ccang ccunccaw a ung bua hae paw liate Sweden tuh nopi mihlu laeze pise mihlu thonghaw nynh a lunghua.

India

Kum(24) hae paw kya pise mihlu 110 kyaze nopi mihlu 100 nynh cih cite a ho hae.

Switzerland

Sweden haw te ram ccang ccungccaw hae keiccu nopi mihlu laeze pise mihlu dou lung hua.

England

England ram tuh nopi hae nynh pise hae haw te phuaccung naw,thyahaw ccangkunaw kya rythy te khohtakyh lang khiaku kho a thua haw te nopi hae hynh ram ccang lang cciate ccaw ccang kute rya lah paw a lung keiccu England ccungccaw hyn mih ram kya thua lei te ramccang ung hae paw dou a lung hua hae.

Credit-Alita Sui