News Home » World » Thai ram kya company peih hae keiccu vae ccungccaw patae pituh ryalaw hoi lei te a ung han hae!

Around the World

Thai ram kya company peih hae keiccu vae ccungccaw patae pituh ryalaw hoi lei te a ung han hae!

Zotung Minphuin 36 Nov 14

A tusaw lungkhu Thai ram kya company ccang(6) peih hae keiccu vae ccungccaw hae (3000) loukaw ryalaw hoi lei te a ung han hae.Inkhawning zema vae ccungccaw te Thai ccungccaw (200) lae nynh rya ah law naw hae company(Knittpoint Co.Ltd) tuh bua a peih vae hae.Atu haw te ryalaw pou ung vae khy ze kumkhei lungkhu sakhei hanlan lahkhah muelang ccang paw thuasalamah a mue khy hae keiccu sahning hanlan pya khy lang ryalatu hae sandahpia hae cite thae lang ung.

Thai ram kya vae ccungccaw(230) loukaw a cinaw ukccaw huinaw company phe peih hae zah ryalatu hae hanlan ryalaw mue ku maw hae cia sahning hanlan lahkha pya naw lang a ngia ku hae.

Vae ccungccaw hae Thai ram lang vaelua ku hae paw mihlu(3000) loukaw tuh ryalaw hoi khy hae keiccu ae naw kyamah mih vawsaw zah a bang tuh puinaw vae ram lang kiry hae salamah kinaw lang paw phua mah a sin pi khy cite a ho hae.

Credit-Alita Sui