News Home » World » ZCYO tuh paw hae mou? Mih enaw so paw mou?

Around the World

ZCYO tuh paw hae mou? Mih enaw so paw mou?

Zotung Minphuin 25 Sep 2

ZCYO tuh palei a thae vae oh,Thuaslama a konglang a nyh ry hae paw hanlang!

Atulya zoram lang Muihsaw langte pachia nyn myarya a mang hae paw te hythua a pya hae paw Phuu (Bu)  nyn thua.A zotung ram kya zema Muihsaw lang te hyn hawte a phuu(Bu) um khopaw zema Pachia hythua naw nyn thua.

ZCYO cite tuh palei a thae vae cih oh cite ka zyn thuasalama a konglang hyntuh a ny paw a zya cih cite zema katua.Tuh thuakeiccu ZCYO konglang te kae pya.

  • Pawkyatemou ZCYO tuh a thadyn?

ZCYO tuh Zotung Christian Youth Organization nyn thua.India ram lungkhu blyn Baebu siain kae hae paw Zotung ccawno hae nyn Zotung minphuin hae um naw lang New Delhi khuakya tung kute pynsaw muihsaw hanlang pawcitemou Zotung ram kya Pachia ryalaw bua kho lang cite khuarua kheite,Meeting tua kute 2013,December 28 ning, New Delhi Zotung Christian Fellowship beikinn kyate masaty thadyn sah paw nyn thua.

  • ZCYO nyn enaw tuh paw mou?

ZCYO nynh rynaw te enaw tuh Pachia sungsah za minphuing sungsah te Buu, Phu laesah kuh naw thinglung, hinnaw hoi leite ram te minphuing kya Pachia rya lah kheih oh sih, cihpaw rynaw te thadyn sahpaw  nynh thua.

  • ZCYO nyn ryalaw naw so pawmou?

ZCYO nynh zotung ram khua takyh lang Pachia bya/lahphua te khuaccung naw mah ung za crusade, campaign, ccintang, conference ccyh mang naw te ram te minphuing kya ryalaw kho naw Pachia nyn hythua pya. ZCYO nynh malang zema khuaccung te crusade, campaign, ccintang, conference te thuasah, sawpaw sah-1, ze vae(3) ccintang te zema ryalaw lang te sawsang cciamang ah thua.

  • E hae hyn ZCYO minte zotung ram blyn khuaccung te Pachia byate thawzung pya kho ccyh a lah mang hae paw nyn thua.(Khuaccung naw 2015 Hasaw lang khuaccung te Pachia byate thawzung pya naw ccyh tuh ZCYO minte a mang kho hae. A Seccae 2016 Sepi, Tuphae, Panvaw, Lawvaw, Sungpi, Zesaw, Thesii, Lungring 2017 Ninthua ninccaw khua a blyn-30 2018 Zotung ram te vae ram zotung minphuing ung naw khua a blyn-58 )khuaccung kho hae.

  • ZCYO minte Crusade tua khonaw khua hae.

Crusade 2018 July saw, Thawlang khua 2019 May saw, Lungkhin (lungkhy) khua 2019 July saw, Kalay myo.

  • ZCYO minte campaign tua naw hae.

2018 kum, Thangdya khua/2018 kum, October saw Keko, 2019 kum, march saw Lungdua khua.

  • ZCYO minte ccingtang tua naw khua.

2016 kum kya Lungngo khua te 2017,May saw kya Rezua Myo.

  • ZCYO minte Conference a lah tua vae hae paw te a tua cih hae paw kum.

conference 2018 kum Rovaw (B) khua conference tua kho thuazah ou thualang paw kum 2020 kum tuh  Sungpi (lungka) khua conference tua a thua cih.

Pachia pet e ram kou ko nawlang Pachia nyn ZCYO kou a mang naw lang zyntu hae nyn sawsang te bung oh sih.E kya zema thuasah,phua sui te thuasah,Sawsang naw te thua sah Pachia rya lah khei oh sih cite kae hy oh.

Lungsae te ccaw n aria oh paw tungvaw lungtua naw a lepi ka hoi.

Credit-Alita Sui