Update your settings

Doh is B.

1. Langmaw raety minnung minpaw‘ae,

        Chinaw thyalawnaw khungkuh te sia‘ae;  

        Khumtu aho‘ae pankhaetu um khyh‘ae,

        Atingkhae vae‘ae chinaw tuipi kalan.

              Kae atu lya hiinnaw Bawi Jesu ka hoi vae,

              Khumtu thehooynaw hlaw lungtua te ka sah cih;

              Haleluja, Amen, Haleluja,

              Oun khumtu leesaehua Bawipaw,

              Hlaw te ka thehooysah zungzae cih.

2. Bawipaw oun sungsanaw lee raria,

        Thyalawnaw lae vaw ccungccaw‘ae hanlan;

        Oun shawpya Bawi Jesu a Ccapaw sunghua tuh,

        Mohnaw a awsah hiinnaw laan oun muih sah.

3. Hiinnaw awnaw ccyh a um lya hin,

        Khumnaw ccyhhooypaw na hoi ccyh lya hin;

        Seinaw ngaesikute Bawi Kri kalan cciatua,

        Ae la ngaethya cih na seinaw blyn tuh.

4. Laephi hynh ahooynaw blynte,

        Sodom te Kamorah khuapi hawte;

        Aroh cciaman nynh uno teisang na um?

        Atu cciataw lah na seinaw blyn kha.