Update your settings

Doh is G.

1. Pawccepei ccungccaw patae kha, rangsakuh te houh oun thua hae?

   Nin takyh houh lung hae zah,

   Ngaluin-ngaluin sawsang hae paw te,

   //Dan leipaw balyn rangkhae hae, Nazareth Jesu po a ccia lya.//

2. Jesu tuh a hummou tuhcih, Leepaw khopi lungkhu lang cceih;

    Khyzaw ccungccaw hae balyn kha,

    A bya thae khylan houh nae hae,

   //Mitzupaw balyn nynh sia hae, Nazareth Jesu po a ccia lya.//

3. Michi hae kha hiinthui hae zah, Vaethya kae hae paw vae athyaa;

   Vawsaw riathae oun thuapaw balyn,

   Apawepaw mah phe dansah hae,

   //Khise te tuileih mah adae, Nazareth Jesu po a ccialya.//

4. Raering leipaw raeringku lan, Seinaw kha vuasya lan ccan vae;

     Aening accyh alawe maw hin, Tynkring lang seinaw ngaesikuh oh;

    //Sawsangte lungpaleihku lan ccan, Nazareth Jesu po a ccia lya.//

5. Vawsaw riathaepaw blyn rang oh, Anaw tuh haeung nawpaw nynh,

    Pachia kyate phiakupaw blyn, Kithui oh lah amaw bya ngae;

    //Tounaw mawe hae paw rang oh lah,

    Nazareth Jesu po a ccia lya.//

6. Ae ko nawpaw kha na ei zah, Ae sungsa nawpaw na vua ze,

    Ngaethyate taloi a ki cih, Na sawsangnaw mah ngae lan khyh;

    //Eih sung, eih sung ,rawnaw eih sung,

    Nazareth Jesu phe a cceih vae.//