Doh is G.

1. Bawipaw Jesu nynh ka sei,

       Oun shawpyapaw te ka lung;

       A chii te oun sing vae zah,    

       Bawipaw te kae ccawkuh thui.

 Amaw chii te phe oun sing vae,

  Sei shawnaw te sungsanaw kha ka mawe vae,

  Amaw chii te phe oun sing vae,

 Azungzae te amaw kya ka um vae cih.

2. Thawccinaw te sungsah tuh,

       Bawipaw nynh oun hopya vae;

       Ka seinaw phuin takyh kha,

       Bawipaw nynh oun ngaethya vae.

3. Ngaeang thawccikunaw tuh, 

       Pachia thawccinawpaw nyng;

       Sei shawnaw balyn kha mah

       Amaw khalang khu e bya.

4. Bawipaw rya athang maw cia,

       Lungtua lungpawte ka cceih;

       Vaaw ram lang ka ccia lyaze,

       Bawipaw sungsnaw bya ka thae.