Doh is Ab.

1. Ka laanpi Jesu oun muihsah,

       Paw bya ve ka peki um;

       Ka lu hiin lya Jesu oun do,

       Zyn seinaw a um vema,

       Vaawlang daenaw te ngaengannaw,

       Jesu zynnaw te ka muih;

       // Laephi vaw ka vawsawnaw blyn,

       Jesu nynh palei a ny.//

2.    Laanpi rupaw kya ka ccia lya,

       Ka thaw kha he oun muinsah;

       Nuinsenaw ngaesang kho nawlan,

       Hiinnaw sanlouh kha oun pya,

       Ka ccia lyakhe ka bang zetuh,

       Ka muisaw kha tui ahaw,

       // Ka malang khuin hiinnawpaw tui,

       Lungtuate luapaw ka muih.//

3. Ka laanpi Jesu oun muihsah,

       Pawcih baban oun sungsah;

       Vaawlang ka Paaw inn daenaw kya,

       Um kho nawlan bya oun kin,

       Ka muisawpaw kha hlawsah zah,

       Vaawlang khuin a zou tetuh,

       // Laanpi Jesu nynh oun muihsah,

       Zungzae hlaw te ka sah cih.//