Doh is G.

1. Kou sah ry lanpaw hlaw ka hoi,

       Phe oun shaw kou vae zah;

       Khumpaw lawesahpaw ka siapharan,

       Nynh phe oun lawesah zah.

  //Phe ka lawe kou vae zah,//

  A min phu ka e sah cih;

  Phe ka lawe kou vae zah,

 Khum Bawi Jesu min phu ka esah cih.

2. Oun khumpaw tuh Jesu khaw ta,

       Phe oun shaw kou vae zah;

       A kawbya kha ka zui zetuh,

       Lasung he ka mawe cih.

3. A aw huapaw ccaekia ka hoi,

       Phe oun shaw kou vae zah;

       Thinphangpaw tynre kya blyn te,

       Phe oun lawesah kou vae.

4. Oun raepyapaw inn mang ka hoi,

       Phe oun shaw kou vae zah;

       Zungzae ka um vae cih tyty,

       Phe oun shaw vae paw zah.