Update your settings

Doh is Bb.

1. Asawnaw mua vawlan vaelangtahnaw a um,

       Maethya vawsaw riathae ingnaw;

       Misei khum khylan chinaw a ingnaw tung kha;

       Kae nynh ka zyn saw kou ka tua.

            Vaelangtahnaw saw kha kou ka tua,

            Ka hiinnaw kha athang mawlaezung;

            Vaelangtahnaw kha ka kyng cih zah,

            Asunghua sui lukhung ka mawe cih.

2. Ccungccaw blyn nynh nyasah hae paw vaelangtung,

       Kae nynh koumawte ka peki;

       Vaawlang hooynaw te leesaenaw kha cciataw te,

       Vaelangtung kya chinaw kha a ing.

3. A chiithyaa te phe beihpaw vaelangtahnaw tuh,

       Ngaeang lan um, vaelangtahnaw;

       Kae kha sei thyaapaw te alawpaw lang tang lan,

       Bawi Jesu vaelangtung kya a chih.

4. Vaelangtung kha kae nynh lawnaw te ka zui cih,

       Ngaethya vawsawnaw ka ing zemah;

       Vaawlang khua thua khylan Bawipaw nynh oun ko zah,

       Bawipaw ryte zungzae kae um cih.