Doh is F.

1. Vaaw Bawi haungnaw te sui lukhung na cciataw,

       Lae vaw ccungccaw balyn hanlan;

       Na puinaw elang kha Bethlehem khua lungkhu,

       Umnaw inn kha sanmah um khyh.

Kae ka lungkhu hein oun umtua,

 Nang na hanlan umnaw kha mang um;

 Kae ka lungkhu hein oun umtua lah,

 Nang na hanlan umnaw kha mang um.

2. Vaaw hae nynh lungtua thehooynaw hlaw kha sah hae,

       Na puinaw kong kha a hoku hae;

       Thuaslama notahte puinaw kha na ing,

       Nyasakute lae vaw na um.

3. Suizaw te pavaw nynh umnaw kha a hoi hae,

       Thing vaw khe bu kha leih a hoi hae;

       Thuaslama Bawipaw lae vawlan a um lya,

       Umnaw inn kha sanmah hoi khyh.

4. Jesu nynh taenaw te bua oun rungthui tetuh,

       Mungkae roi khate nynh oun rung cih;

       Bawi Jesu roi nynh kae kha he oun ko tetuh,

       Ka pe lang umtua oun ci cih.