Update your settings

Doh is Bb.

1. Seinaw lungkhu khe ka cceih, daenaw tui vaw pe khe,

       Ka lungkhu kha eih athu, ka thykuh kho vae khyh,

       Rili uktu Bawipaw nynh, ka konaw roi a thae,

       Tui lungkhu te oun thy zah te nynh ka kyng.

Oun sungsanaw nynh oun hangthung,

Oun bawmpaw um khyh ze,

Sungsanaw nynh oun hangthung vae.

2. Amaw ka thinlung ka pya, amaw doliakute,

       A phu-enaw kya ka um, a thehooynaw hlaw ka sah,

       A leesae hae paw sungsanaw, hlaw thehooypaw te ccawku,

       Zungzae sungsah ryalawnaw amaw pya oh.

3. Thinphangpaw muisaw kha do, Jesu nynh ae khum cih,

       Sungsanaw te ae hang cih, rili tuileih kyate,

       Rili uktu Bawipaw bya, rili tuileih nynh ngae,

       Nang khum lan kou ae ry tunin khumsakuh.