1.
Bawipaw sungsapaw u te no ae;
Bawipaw kalan oun ki lah.
Na seinaw tuh lunslama oun sungsahnaw a leehua.
Thangnaw hoi khyh Bawipaw sungsanaw na hanlan zungzae a lua.
Hiinnaw va dungtui atu oun neih lah,
Khumtu Bawipaw nynh oun ngaw.
Misei nang te kae ccang lante vaelang kya
Chinaw A ing, ah seinaw laebah A sang kou,
Nang te ah lue vae oh.
Aenin tuasanaw pabua khyh,
Sungsatu paw sungsanaw nynh thua.
Aw., a sung tuhnyng, eih sung tuh kaesy
Bawipaw sungsahnaw khuaruaru.
CHO:
Ah sei nawtynre miakaw balyn tuh,
sungsanaw te oun ngaethya tu Bawipaw.
Misei kae kalan A pangtu,
Ah min tuh sungsanaw Pachia,
Bawi Jesuh Kri tuh ah hanlan laanpi,
byaccing te hiinnaw nynh thua.
Laevaw uktu te kawhoi tu nynh
Misei ccung vae haeze, muih hae ze tuh
Buahae, ziahae, kyng haezah thung a saw hae.
Thuasah Bawi Jesuh nynh misei ccungzah
a muih vae zetuh,, a sei a ngaethya.
A phuri a due, zungzae hiinnaw rho a pya.
Saahtu nungpaaw u te no nynh
Vuapaw u no um oh ta?
Bawipaw sungsanaw nynh ae vua khyh,
Atu ryacia ae ngawnyng.
Thawthaeku paw sang hoi leite
Sungsah Bawi kalan cciatua,
ae pung ae lung cih,
A sungsahnaw liate na khumtu Bawi Jesuh nynh.
