1. Hinnaw pya te yn sungsah tu bawi,
Jesuh lae lang sungsah tu ung
khyh, A thinglung hingnaw blyng pya te,
Bawipaw thehoi sah oh
sih, Vaw te lae hyn roh sah la ze mah,
Jesuh sung sah naw tuh
roh boi khyh, Zungzae te a zungzae cia yn sung,
Sah tu Bawipaw rou nih athua.
Lungtua te Bawipaw the hoi sah oh,
misei miding lae lei lang yn sungsah tu Bawi,
Vaaw mithya hae nih sah kho lei
paw, Chise thehoinaw law tu sah te
A pachia tuh thehoi sah, thehoi sah, thehoi sah oh sih
2. Laephi vaw mingphuin mia kaw blyn nih,
Pachia tuh thehoi phu e
pya oh, Vaaw bya te lae bya phuin ccing mang te,
Bawipaw thehoi sah oh sih, Hing naw a hoi hae paw blyng nih,
Vaaw thya muihsaw ccia khae naw thyh te,
Daenaw ngaenganaw lungtua hythua, yn pya tu bawipaw nih thua
3. Na hingnaw ae kua tuna pachia,
Na ning sei na vua sei ta uno?
Thawccih naw ccyh hoi a lia maw hin,
Sei ngae si ku te rang tua
Tho kuh bawipaw phu e pya ccah vae,
Na sei phuri naw blyn zaw
cih, Maethya khae ku na na hing naw kha,
Bawipaw phu e naw hang lang
