1. Tuitin khawpaw mopi te,
Thalang lialang khua blyn,
Vaaw zakaw ccungccaw blyn,
Phung a me keiccu hae,
India Thailand, Taluh ram,
Zoram Vaeram lan cia,
Minphuin takyh balyn nynh,
Pachia kha nyng khyh hae.
2. Aening thehooy bya thaepaw,
Haawnaw a muihpaw nynh,
Khuazinaw kya um hae paw,
Awsah lan khyh oh ta;
Khumnaw the pou khumnaw,
the cite siakhaetua oh,
Ram takyh e ccungccaw nynh,
Khumbawi nyng maw hae cia.
3. Pou khisan amaw the kha,
Khua takyh cciakhae tua,
Ccungccaw hae thae mawlaezung,
Zungzae te cciakhae tua;
Tuutaw nunh misei hanlan,
Chipaw nyng maw hae cia,
Khumtu Bawipaw Siapharan,
Thehooynaw siakhae oh.
