Doh is C.
1. Bawipaw Pachia na raepaw uccaw b'lyn hynh.
Ka tua vae ze ka lung nynh phah kho khyh;
Awsi te maeking kholung thyhpaw b'lyn nynh,
Na lesaenaw kha houh langsaku hae.
//Yn Khumpaw Bawi nang kae
thehoysah cih, Na lesaenaw ale raria.//
2. Mua te ramkaw lang balyn ka khiakuh zah,
Thing vawlan e pavaw roi kha ka thae;
Mua hang dung te loram balyn ka do zah,
Va'taraw te khihy zaw the ka thae.
3. Pachia nynh a Ccapaw lu kheit kyalya kha,
Kae ka hanlan chi lan kha yn saw vae;
Vaelantung vawlan ka seinaw kha phu zah,
Seinaw kyate ka lue nawlan a chih.
4. Phu-enaw te Khri nynh bua yn rungthui tuh,
Lungtuanaw inn lang oun cciakhae vae cih;
Khah ccyh vae tuh bakhungte kae beik vae cih,
Pachia na lesaenaw ka ho vae cih.
