Doh is Bb.
1.2 Ziraceyng ze hlawsah hae paw, laephi vaw cia oun thaan,
Vaaw hae nynh tintang khuakute lae vawlan oun rung hac,
Vaaw Bawipaw liate ccungccaw kya daenaw kha be um sah
Dacraring lang laephi a um, vaaw hae hlaw kha ngaetua
2. Vaaw hae hlawsah hae paw roi kha vaawlang khua te
oun thaan,
Lae vawlan vawsawnaw kyate hlaw roi bua leih thae oh,
Lae vaw lungdacnaw ram kya hin, vaaw hae nynh a do hae,
Bethlehem pepan balyn khe, vaaw hae roi kha athaan,
3. Seinaw kyakhe a um hae paw laephi cungccaw hae lou,
Tha wbang vawsaw lungriathae te palei a um hae paw,
Rangtua oh lah, lungtuanaw ccyh oun thua vae atu nin,
Laan pe myndae kaw haeungte vaaw hae hlaw kha ngaetua,
4.Nin te saw nynh palei athang, a hoty hae hawte.
Akum palei rukuh lya hin, she hooynaw oun thua cih,
Lae vawlaw daenaw oun um cih, vawsaw um vae lan khyh
Vaaw hae nynh hlawsah hae paw kha aening nynh mah
lia lan.
