Update your settings

Doh is A

1. Nazaret ccangvae Jesu hanlan,

        Zuthya huapaw ccungte kae thua vae,

        Syngtawnaw Muisaw hoi leipaw tuh,

        Chiise kya singku leipaw balyn tuh;

        Cciatawte suhluetaw thua ci‘ae,

        Thawccinaw ccyh oun kho vae lan khyh,

        Ngaethyanaw ccyh oun kho vae lan khyh,

        Jesu hanlan na raeringkuh tou?

               Molungnaw poi sunghua thua cih oh,

               Vaaw‘ae ry lungtua hlaw kae sah cih;

               Chiise mee mothyapaw kae lung cih,

               Tuh poi kya nang na umbua cih tou?

               Chiinaw hellram lang tou na cceih cih?

               Na ccianaw laanpi khe dothui tua,

               Jesu hanlan na paccynkuh vae tou?

2. Zudytupaw ccangvae oun thua cih,

        Maee-inn zine hoi lei‘ae paw tuh,

        Nin te saw ccyh saepi ngawzemah,

        Cciataw te suhluetaw thua ci‘ae;

        Na maee-inn zine kha dothui tua,

        Zovae te laephi ccyh mang nan vae,

        Nazaret ccangvae Jesu hanlan,

        Mothyapaw kya na pabua cih tou?

3. A ihpaw lu ning kyaze lu kheit,

        Sungsuhpaw lu ning kyaze lu kheit,

        Khua ccungpaw lu ning kyaze lu kheit,

        Mothya hanlan hangthung thua cih oh;

        Muisaw syntawnaw hoi leipaw tuh,

        Nung te paaw mah a phiakuh cih‘ae,

        U te no mah a phiakuh cih‘ae,

         Sungsah‘ae paw te mah phiaku lan.