Doh is G.
1. Pachia nynh oun sungsahnaw kong,
Hoyte na tua ban ta?
Ccapaw hoithypaw nang te kae oun pya,
Seinaw hoi lei Ccapaw Khri tuh,
Miseihua lang raete,
Nang te kae hanpaw Vaelan kya khiade hae.
Thangnaw hoi khyh Bawipaw sungsahnaw,
A thawccinaw te palei oun ko,
Na zo na vaenaw kyate,
Sungsahtu Bawipaw kalan,
Sei ngaesikute atu yn ki ccavae
2. Bawipaw sungsahnaw nynh,
Tuh sei ngaethya kho lei um khyh,
Ka kalan cceihpaw ka doi ngaw khyh ci,
Amaw rawsetu te khiadetu hae hanlan saw a sang,
Ka Paaw, *Mih seinaw ngaethya hae," a ci.
3. Pou ka Bawipaw nae sungsahnaw hynh,
Ka hanlan azaw,
Kum te ninsaw nynh rulaeku zemah,
Nae sungsahnaw tuh,
Rulaeku khyh zungzae atyn,
Sungsahnaw laku hanghua Khri sungsahnaw.
