Doh is F.
l. Kae hiinnaw kya seinaw nynh ryalaw,
Taenaw pyatu Bawipaw zunghe tuh thehoy,
Hlawsah te lawbia nynh thua,
Lungriathae te vawsaw um vae khyh,
Vaaw Bawi thehoysah ka law ze vaaw hiinnaw,
Lungtuanaw ccoutu thua oh.
Vaaw hae nynh thehoy hlawsah hae hawt'
Laephi kya vaaw hiinnaw hoitu hae thua oh,
Hlawsah te kae lawbia cih,
Kae thinlung pynsaw muisaw dannaw,
Bawi kyaze Bawi Siapharan Jesu Khri tuh,
Hallelujah thehoysah.
2. Lae vawlan hythuanaw patae um,
Inn te loo sui te uccaw hoypaw ka mue,
Thuasah lawkhae phu thua khyh,
Muih kho hae kho lei vaaw lungtuanaw
Thyaa Muisaw yn pyapaw lasung vaaw hiinnaw,
Tuh-e tuh lawkhae phu thua.
3. Kae ka hiinnaw hynh ae khumpaw tuh,
Jesu Khri thehoysah hlawsah te law hynh,
Ka thawzung umnaw nynh thua,
Laevaw ka cciatawpaw balyn hynh,
Vaaw Kanaan ram Jesu kya ka thua tetuh,
Thehoysah te ka law cih.
