Update your settings

Doh is 

1. Bawipaw tuh tuuring hooy nynh thua,

        Ryachi lei ka rypaw blyn oun pya;

        Rammoh awnaw hooynaw pyatu,

        Um hooynaw tui vakin lang oun cciakhae.

            Ka lungtua maesae Khumtu Bawi,

            Lungtuanaw te ngaengannaw blyn nae pya;

            Ka muisaw thawzung nae saesah,

            Lungtuanaw thehooy bya te.

2. Chinaw khuraw lang ccia zemah,

        Ka rih khyh Bawipaw ka kya a um;

        Na voithang te thaloi‘ae nynh,

        Ka ngae oun ngansah nyng, aw ka Bawipaw.

3. Ka rhaw‘ae malang looh nae pya,

        Ka lu kya chitui te nae thuh zah;

        Kae ka banang te nae biasah,

        Ka thinlung lungtuanaw te nynh phe beih.

4. Na hooynaw te na thawccinaw,

        Ka hiin lungkhu blyn nae ccousah bua;

        Zungzae Pachia inn hooypaw kya,

        Zungzae ka umnaw hmin ram nynh athua.