Update your settings

Inkhawnin Rev Tua Boi kalang ka paebua pawte Rre v.Tua Boi nynh Rev Kaw Kung nynh ccaw apya paw kunglang oun hopa zah ka thae tuh ka ngae kouthah.Pawccema cize ka paw ala thuakeiccuze ahing lya Rev AngS  ung ZBA secretary lang atanglya ze aladou naw haepaw ounhopya pawte ka seelya hoyrarih ka nyn buapaw thuazah achih vaetema umtaw leite amingtuh palei athe ry um hae ii cihte ka lungthing kya hin ounthungkuh zah ka lungthing kou accikhae.

Ccawhae nanyhlei ohpaw hanglang aphi ccapyh kaeho pah hei oh.
Rev.Hre kio USA a umlya baebuu leihkunaw ZBA ounpya.ZBA nynh Paw Khua Ming tuh baebuu leihlang tavun apya hae.Rev Hre Kio zorrang(chinpine)lang ounccia lya ze chinram kyaze paw lukheih athuapaw te baebuu aleihpaw cihte Haekhaw te ounbeihzah Tingsi khua marae ounzi pm 10 loukaw nynh ounthuavae. Voh chia pyalang kaecihzah theihnang oh vohsaw ka ae khyh cihzah awnynh sa 4 kaethung pyavae.Khuazi tuh batui mawnynh a ae hae.

Tuhlya tuh Rev Lo Kung ZBA secretary lang atanglyaze baebuu sia inn a kaesapaw Rev Angsung ZBA seretary lang atanglya.Te tu aromawze baebuu leihpaw tuh mesan lang bua ounpui sah haezah tuibyng khuatakha mekha asan hae hooyte kanyh vaekhyh.nithua langming kha meting kaepaw phe lazya zah tuin mesan nawkya te Paw Khua Ming tuh phe phoh haezah Rev.KawKung tuh aleihsah hae.

Zotungpawlang ounla umpazah zotungrang kya khriccaw langla umzahRev.Sa Lang .Rev.Lo Kung.Rev KuKing Rev. Khe Hang te Rev.Sa Ting hae lasaw haezah Boipaw pangkhaenaw liate aro mawze zotungtuh amih awpaw khriccaw lang pum me atang ohZotung kya apiaze mindat ranglang ma Rev.Kae Pe.Rev Khoh Thung te Rev To uk hae mission lang bua alasaw hae. zubili tuapya langma Rev.AngSung te Rev.Kawkung nynh KhuaMing mingte tualei lang cihte ZBA EC meting kya byalung haezah pheroh.

Rev.PetarNe Maung ZBA secetary oun haete lakha RaZua khua zubili kha tuapya bua ounthua
Kaetuh ZBA ccungccaw kathua khyhzah akungte aning tuh ZBA pastor hae pum anyh cih hae
Tuhkeiccu Ebya hynh ahinglya aladou hae apiaze achih teciama umtawleite palei adou um hae ii cihte katuazah kapaw athua keiccuze kamihphi alua .khae. Tuhkeiccu e bya hynh umthingku langpaw thuakhyh.Amete ryalah haepaw ZBA zyngtu haete PawkhuaMing accaw hae nynh hoite holangpaw nynh athua.

Paw Khua Ming hynh dangkhyhzah zekung lang accia lyaze Paw Lia kwin te zekung um haepaw nynh tungku haezah ဗုိလ္ခ်ဳပ္ခင္ညြန့္ pawpi ataw pawte rangkyaze nungpaw hae sawkoutua paw thuazah lasunglang maetheihpah blyng apyapaw thuazah abyama phe ounngaecih RaZua myo hynh sosa ohsih cihaezah saccunglu tuh re haezah PawLia Lwin nynh ဗိုလ္ခ်ဳပ္ခင္ညြန့္ kalang tuh acciakhae Rev Rang Kung takha saccunglu tuh accyngsah hae.Amaw la um khyhzah myo akyng tupawte latung saku hae .Amaw he athuate laho pah haezah myo tu vaerang lungkhu phuinlang cihte ala zatha aepaw tuh pum aphuin vaehae..Myo apya nae haepaw ccawmaw hoyrari phe apya haepaw Naevae sacih oh kamaw kya umsah kacihzah phe kangzag atutuh FiRo nynh phe avae sahvae.

Abapilang hory pawtuh
ZoTung khriccaw lang ountang satu pawte
ZoTung ccawte amih oun aw satupaw te
ZoTung myo ounmue patu paw
Paw Khua Ming hynh aening ZoTung nynh tu dou nang ohsih cihte nynh kou kary kaetu.Thangccin Pachia anyh paw athua ohze tuh .Paw sawtua .nungsawtua tuh kawbya ccankheihnaw amasty kawbya nynh athua.
Kasungsahzah saw katua haepaw ZoTung mingphuin hae.Eccaw hung sungsaku nawte hooyte tuate beih ounria pakheih vae oh ii. 

Paw Za Boi
KeKo khuate