-
1.4K Views 0 Comments 0 Likes 0 Reviews
Pya tu: jason va moithang <vamoithang@gmail.com> Email kya e copy ka tua paw nah thua
Rev. Khe Hang hynh Zotung rang
kya Pachia rya vah la tou
buapaw
mah thua zah, Mirah paw (usa)
paw kya kum palie (4) sia-inn
kae
paw mah vah thua.
Byakhianaw;
(1) Zotung thoki naw paw hynh
kum hynzeh kum te mou nah tho
zah rya nah vah law?
Rev. khe Hang; 24.4.2004 kung
Babu Area, Etang khua meeting
kya ze kah soh zah leh yn khan
hae
te rya ka la vae...
(2) E Zotung Minphuin thoki naw
paw uhccaw nah suilua naw kya
hynh ynte mah nah mui he zah,
rya nah law? Te, e rya nah law
naw kya ccungtaw abang hae
nynh ae tua siinaw hae kung yn
ho pa i...
Rev. Khe Hang; Zotung Minphuin
thoki naw paw uhccaw hae blyn
hynh ah lunghua tuh phua te
kah
re, te, ah bang tuh ae loo hae...te,
ah nynh thya leipaw hae nynh
tuh mintaw paw hynh ah taw sii
vae lahyn cite patae pi ae tua
hae...
(3) Ynpaw e naw te mou e rya
hynh nah law?
Rev.Khe Hang; Minphuin thoki
naw paw e uhccaw hae hynh
vah
vae vah zo nang sah ci ka ry
naw
te Zotung Minphuin hae ro lang
ka
nung pya paw hae, eih e naw
nynh thua..
(4) Nah taw nohae lawkha zeh ci
hae?
Rev. khe Hang; ka ccaw nohae
hynh Nopi lu (3), Pise lu (2)= a
blyn te lu (5)..lu (1) ae ccia taw
hae...
(5) Nah ccaw nohae bya nah taw
ry hae paw um zaw?
Rev. Khe Hang; ka ccaw nohae
bya ka taw lang pawhae te rya
ka
law pya lang paw hae um vae
khyh, Bawipaw nynh hythua
pya
hae zah Innlo pung hoi vae hae,
te, mihci hang kya zungzae
hythua nawte zungzae lungdae
naw vah um zungzae sah cite ka
ho ry, ae ma kalang tung vaw
kya
kalung kou tua..
(6) Nah mitawhae, lawkha zeh
cihae?
Rev. Khe Hang; lu (20)...
(7) Nah mitasinghae lawkha zeh
mou cihae?
Rev. khe Hang; lu (11)...
(8) Nah mitawhae te nah
mitasing
hae kya nah lung ry ae tung hua
paw te nah lae sa naw hae um
zaw?
Rev. khe Hang; ka lungry ae tung
hua paw cite um khyh zah ka lae
sah naw hae mah um khyh!
Bawipaw nynh mi kalang
tungvaw kya rya la vae sah ii...
(9) Nah mitawhae te nah
mitasing
hae hynh, ynpaw rya mah nah
law sah ry hae zah ynte cipaw
ccungtaw lang mou nah tang sah
ry hae?
Rev. khe Hang; ka mitaw hae te
ka
mitasing hae hynh, ae mah blyn
te ccungccaw malang te Pachia
malang do ry, muih ry, thae ry
ung
lang te um hae sah la, Pachia
malang dou ccahpaw hae
ccahnung ccahpaw lang tang
hae
sah la, luu him sesae te vah too
vah pae bua hae sah, athua kho
ze tuh Pachia rya hynh ah law
kho hae zee rawh vah la bua hae
sah lah khuate rang Minphuin
kya
vah lang ku paw hae te lawkheh
te lawkheh kou vah sungsah ku
hae sah cite kou ka ry pya hae...
(10) Nah taw nohae ahung mou
nah sungsah hua zah nah longry
ae tung zah nah lae sah naw hae
um zaw?
Rev. khe Hang; ka ccaw nohae ae
ma kalang te ka ccae naw hae te
ka lae sah naw hae um khyh zah
pung ka sungsah hae...
(11) Nulang Pachia rya hynh yn
e
mah nah vah law ry?
Rev.Khe Hang; Yn raetuu a Paw
Pachia rya law hynh ditari arya
law hynh ka bung sah la, Laephi
arae naw kya hynh ah
ccungccaw
lang tangte ah zopaw hae blyn
ccungte cciopi pya lang hae te
Bawipaw Pachia rya ditari
sangkaw ka law ry naw paw te
sahdoh kah thaw ku paw nynh
thua..
(12) Nulang Pachia rya nah vah
law naw kya nah ngae sii ku
naw
um bang zaw?
Rev. khe Hang; ka rya law naw
kya, ka ngae si ku naw vah vang
um khyh zah ka thaw thya naw
ma ung hua lae khyh, ka
lungvaw
saw ze mah thua sah ka lung ria
thae ze mah thua sah Bawipaw
elang ka ci zah ka lung ngia ar
zungzae.
(13) Peese nah lahte nah rya law
naw kya um lei te pawte mah
Zotung Moyh kya nah um?
Rev. khe Hang; Peese te ka um te
Area te ZBA nyh lakha ae pya ae,
ka mi, ka taw paw ae luu vah uu
ku
naw hae te rya vah law so pin
naw ae cite ka tua kae ccu ze ka
um naw paw thua...
(14) Atu lya ynpaw mah nah
paccyn kuu?
Rev. khe Hang; A tu lya ka
paccyn
kuu paw tuh nulang e rya kalaw
paw blyn hynh dosya te tasingze
ka tua ku zah ah ccing le paw
hynh
ccing kho naw te a lang kho lei
paw hynh lang sah ku lang cite
kah paccyn ku...
(15) E Zotung Minphuin thoki
naw
paw rya nah law naw nah ngae
si
ku nawte nah thaw thya naw um
zaw?
Rev. khe Hang; ka ngae sii ku
naw
te ka thaw thya naw um khyh,
thuasalama e Zotung Minphuin
thoki naw uhccaw hynh kah um
vae khyh ze mah min vah um
sah
ci ka ry...
(16) E Zotung Minphuin thoki
naw
rya nah law naw kya nah ccaw
nohae, mitaw hae,mitasing hae
te
ccungtaw hae nyh thaw ae pya
pawhae te lung ae tua khae paw
um zaw?
Rev. khe Hang; E ka rya law naw
kya, ccungccaw mi lu (2500)
, nynh! kuit kyn te thaw ae pya
hae, khalang te uhtaw te lu (10)
nyh thaw ae pya hae, sawkhung
/Video t rya nae law pya paw ka
lung
kou tua nah tungvaw.
(17) Zotunp Minphuin hynh ynte
cipaw Minphuin lang mou nah
tang sah ry hae zah ynte cipaw
minphuin lang mou nah thua sah
ry hae?
Rev. khe Hang; Zotung Minphuin
te Zorang hynh Bawipaw rang
lang lahtang rah vo nynh, a thya
a haw, rang ccang kya la to ku
kho ae sa, Pachia lung ry la tung
ae sah Bawipaw rang lang latang
sah hae sah la, hythua naw
zungzae laccy hae sah la, Pachia
nynh paw Minphuin lang latang
zungzae hae sah cite ka ry ka
thua sa ry hae...
(18) Zotung Minphuin hynh atu
lya ynpaw mah nah hoo sah zah
nah ry pya hae?
Rev. khe Hang; A tu lya Bu ta kyh
kya do langze, do lang um khyh,
pastors hae mah Pachia nynh
thawzung pya hae sah la, Pachia
ryalaw thawte, Pachia rya law
lawkho naw lang hae kae mah
sawsang te kah bung hae...
(19) Zotung Moyh kya ynpaw
kae
ccu mah nah um?
Rev. khe Hang; ka mi ka taw ae
ungnaw hae te khua vah to bua
naw hae te rang e lang te
minphuin e lang rya a thaw te
vah law naw hae thua zah te
nynh kah um..
(20) Zotung Moyh hynh, hynzeh
kung mah nah te?
Rev. khe Hang; 4.6.2003
(21) Nah kung hynzeh mou ci
vae?
Rev. 94
(22) Kung hynzeh rya mah nah
him ry?
Rev. 100...
(23) Ccungtaw himnaw hynh
ynte
thua zah ynte nah pung?
Rev. khe Hang; Ccungccaw
himnaw tuh Pachia nyh
ahimnaw
hynh ynrae paw thua kae ccu ze
Pachia khuih kya nynh um cite a
lung hua ka tua zah Bawipaw
kaw nynh khya.
Rev. khe Hang; A lae lang- ka
lung kou tua nah tungvaw, kung 40
bia maw Sia-inn kae, ynte2 thua
zee mah! Minphuin cca Zuu dy
nang, te Zotung Minphuin
songsah naw thinglong hoi te
rya
vah la zungzae la, Pachia klang
seih kah ku te do kou hoi langte
nah thinglung pya te
vah him zungzae,
cite bya kae taw sya.. Bawipaw Pachia nynh nah
tungvaw kya Zungzae hythua
naw ae pya sah! Amen.
=> Ynyn, Bawipaw Pachia nynh
kung
(100) lae lang rya himse sae naw
ae pya sah la, nah rynaw
miakaw
kya Bawipaw Pachia nynh ae
ccin
sah pa vae sah ii, te, bya kae khia naw kya kah mee/siipaw um ze
Jesuh minte yn va ngae thya vae i=tQ!
