4 minutes, 28 seconds
-45 Views 0 Comments 0 Likes 0 Reviews
Febreuary 20, 2008 kum Atlanta, Georgia kya Maryland umpaw ZCDA President Bawi Min, Assistant Secretary Vanceuthang Thokung te Maryland khuaccaw lu (5) hae te South Carolina umpaw Thawngmung Ccungsabawi te Georgia umpaw UZO President Pa Ming, Secretary Lian Cin Thang te abang hae ryte Lian Cin Thang inn kya tungkunaw lah hoi hae. Zotung aphu thahdyn sahnaw kon lan lah hotua hae zah USA umpaw Zotung minphuin eih zyatu ung lah cikeiccu hae ze aphu lah thahdyn sakho khyh hae.
2008 lungkhu kya Nashville, Tennessee kya paaw lante umpaw Rung Ling umnaw kya tungku lang cite bya paenaw lah hoi hae thuasalamah poi lah tua kho khyh hae. Georgia umpaw Zotung minphuin hae khuakhangnaw thung te December 20-21, 2008 nin Zotung Khriccaaw Lungngin Poi tua lah thua. Nay Min te abang hae inn kya mihlu 66 te meeting lah tua hae.
USA athuaty paw nungpaaw hae nynh Zotung balyn nynh aphu phukheit, abuu buukheit phu ku lan zah tuh-e kya pynkheih lan um kheih lan cite bya paenaw kae hoi. Aphu min tuh Zotung Organization of America (Z.O.A.) ci lah thua zah abuu min tuh Zotung Christian Church (Z.C.C.) cite thadyh sah kho athua. ZOA Poi te ZCC Civoi tuh pynkheih lan tua kheih lah thua. Ninpahngaw nin te Nintaruhnin khuazi cia ZOA Poi lan mang thua zah Nawpinin kya ZCC Civoi lante mang athua. 2013, May 24 nin Nashville, Tennessee kyate ZOA Poi te ZCC Civoi tuh phia athua vae.
2013 ZOA Piccang thaw paw hae nynh Zotung minphuin hanlan ryalawnaw lan phua ahoi khyh keiccuze ZOA Piccang khuakhangnaw thyhte President Josepth Than Shwe tuh state takyh kalan cciasah te bawmnaw ngiasah athua. June 2, 2013 kyate tho khae zah May 21, 2014 kya state takyh lang cciate ryahae paw lukheitze $50 te bawmnaw ngia hae zah $6,140 ZOA Center kalan athua khae. Khua accungnaw tuh
1. Indiana
2. Dallas, Texas
3. Austin, Texas
4. Amarilo, Texas
5. Georgia
6. Maryland
7. North Carolina
8 Iowa
9. Oklahoma
10. Michigan
Oklahoma City, OK kya athua lyaze Oklahoma umpaw Zotung uno hae nynh ZOA President paw tuh Paaw lukheih thuanaw paw phu-esahnaw lan vok sakheih chia pya te a duehaw hae. 2014 kum Charlotte, NC kya a thua lyaze "nae khua ZOA Poi tuh tua lang cite ho pya hae» zah Charlotte umpaw hae nynh lungtua pawkaleh lan poi tuh tua lan cite a leih hae.
2015 kum ZOA Piccang khuakhangnaw thungte ZOA Poi tuh Charlotte, NC kya May 23-24 nin tua athua. ZOA Poi tuh kum takyh te Memorial Day kya rae athua.
2023 kum Tennessee, EC Meeting kyate Zo Ccaw te Phungtho te ZOA Nung hae tuh ZOA Department lan rae athua. Sub-Committee lan Media Team, Stage Manager, Sport Team te Fashion Team rae thua hae. USA umpaw alunghua ccawno hae siainn khawku lakhyh keiccuze kum takyh te May saw Memorial Day kya Poi tuapaw hynh June saw naw-thumnaw lan rulae athua. Nawpinin kya poi tuapaw hynh pumkunaw te atungku keiccuze Ninpahlinin te Nintaruhnin cia poi tua thuasah cite 2023 kum te rulae athua.
Queue
