Update your settings

                         Zotung Kholohpi Kekokhua, Khohtakyh e pawpi hae te kalay-Sayakyi tha le hae nynh thokeinaw poi kunglang a ho hae paw. Nungpaw hae nynh poihynh ccan 4 a la hoi hae. Tuh epoi hae tuh. 

Pathehmoi                 - Lomae kou thua zah khua ako naw hae paw

Ngedang (Khumku)    - June saw loulaw, ah-y a thuh ccyh lya. THya paw ccyh lya. Kum ta kyh sa-u aru ccyh lya nynh thua. Koikua kya te Vot sa-1, aw pata chia te nawpaw nynh thua. Innte koikua kya tung ccan 1, bing pyate awpangpatae tawpaw.

Lanlae(Barua)             - Lohrue kou thuazah Bawkha rua hae zah a aehae, baw arua maw hae tuh baw kha ae lah khyh hae. Loh thaw poi lang te a mang hae paw nynh la thua.

Insohkae poi               - February saw loukaw Voh sa 8, aw sa 9, mikhuarang lungkhu a um paw muapi vahpi lungpi setan a um cihnaw-blyng voh sakheih cci, Aw sakheih cci a pya hae. Atunin kum lung khu ngedang um sah, Loh voi sah, Saw kaekaw sah cite saw a san hae.

               Amiabang hae paw saw kha invalang ccyng phung thua khyh. Phe a u syahae. Zete a-ae kou hae te insua kae naw hae kya te lawbung hae zah, a theih cih paw inn kalang po tee hae zah, alaw vae hae. Mikhia sum ci um khyh zah, anaw naw hae paw thua lei te poilang te a mang hae paw nynh thua. 

               Exodus 12;1-14 kya e Pachia bya hynh, aenin Zotung hae nynh sawku arae ku ohpaw, vaw adou oh paw, te a ccangpaw blyng do langze, Israel hae a thua khyh ohze, a la um kheih boi hae paw a thua kho oh.

              pawcceize, E baebu kya ze, e saw hynh nanin Isreal hae hanglang masty saw a thuacih. Inntakyh te tuu sakheih cci a ci paw hynh, aenin nynh voh sakheih cci, aw sakheih cci a ci oh paw te aebangpaw nung lei te, phe thanglang ae lang ci paw te kumtakyh te ty ty na tua cih oh a ci paw blyng pum lo kuh.

              Tenynh Pachia nynh Isreal hae amasty saw kya ze la ci sanaw hae paw te ae nin insuakae paw phe lo kuh. Athokeinaw oh poi ccan 4 la ku ze, Insokhae poi hynh mikhia la sum lei haepaw, Kum thaw lang te a la mang ae paw, cipaw Zotung paawpi hae bya te ny lang um.

              Te, Salm 86;9 minphuin hynh Pachia nynh a rae paw a ci minphuin tuh-cc-ccaw, a bya, a law kuhpaw, ukccaw, alawpaw te hlaw a sahpaw, a um naw lorang, E phin 5 hynh te minphuin phun kheih hynh oun la rae.

                E thokeinaw poi kunglang a ho hae paw Keko-Kalay Pawpi hae.

1. Sayakyi Tha Le  (Hansaw_Kalay)

2. Sayakyi Kyaw Ha (Hansaw_Keko)

3. Rev. Tua Boi    ( Lungngo_Keko)

4. Rev.Dr. Choi Chial  (Sesi_Keko)

5. Rev. San Naw (Lotaw_Keko)

6. U Su Ling (Lotaw_Keko)

7. U Vang Kung (Lungngo_Keko)

8. U Lung Ming ( Pang Vaw_Keko)

9. U Pui Lia (Pang Vaw_Keko)

10. U Baw Khua ( Sesi_Keko)

11. U Mua Dung (Lotaw_Keko)

12. U Paw Za Bawi ( Tingsi_Keko)

Tenynh Keko-Kalay e Zotung paawpi hae nynh minphuin takyh nynh a zya hua ze, kum kheih vae kheih tuh mithokeinaw poi kha leih a tua hae haw te aenin Zotung mah kumkheih vaekheih poi a la hoi oh paw insohkae poi hynh zo sah lang paw thua khyh cihte- Laephipi e Zotung hae blyng nae klang kae ngia oh.

                                                                                                                                      Aho tu haepaw : Kalay-Keko Zotung Paawpi hae.