1. Pou Zoram zawthaw mino hae,
Bawi Kri ryalaw lan tho ccavae,
Ah Zo muapi daenaw elang, Pachia hythua ngia oh,
Haetapaw te pavaw phuinccing,
Nynh Pachia thehooysah hae haw,
Tuh-e ram kya paekheih oh ccaw,
Aening mino hae nynh.
Zoram haetapaw hae, ram oh Pachia min te,
Daenaw, ngingnaw, lungngin sungsah,
Kute paekheih oh sih, Zo ram daenaw elang,
Ah Bawipaw JEsu nynh aening zawthaw mino buu
hae, Kya hin oun umkhae sah.
2. Zo bya, Zo ccaw, Zo minphuin nynh
Ah Zo ram kha tynsah oh sih,
Pachia nynh oun umkhae vae sah,
aening mino kya nin,
minnung minpaaw, nung te paaw thonaw
Ah Zo minphuin balyn nynh
Bawi Kri kalan cciakhae oh sih,
Aening mino hae nynh.
3. Pachia nymh sungsah buapaw ram
Minphuin ccang hae dua lan um khyh,
Khiamyng tang nan na thonaw te na minphuin sungsahtua,
Tuatua oh sih, peeccang ramccang hae hawte,
Aening Zoram mah awbua ccavae sah,
Pachia nynh hythua oun pya vae sah.
