Update your settings

Doh is G

1. Laephi ccyh dynpaw kya, Vawsawnaw cci nynh thua,

        Doukunaw houh lung zah, eikunaw cci nynh um;

        Thuasah zyntu kae hanlan tuh, lungtuanaw cci nynh thua,

        Baccing a langku khonaw lanpaw nynh athua.

            Saryanaw te thethya ccoubianaw tuh,

            Baccing alang kho naw-lan locceihtu nynh thua,

            Bawipaw Jesu vaelangtung kya,

            Nuinse saryanaw a ingty.

            Haleluja, ninthum koute phe a tae vae.

2. Kaening kae doupaw tuh,

        Ccungccaw rhaw thua khyh nyng,

        Seinaw klan cciakhaetu, Setan rhaw nynh kae dou;

        Ccungccaw thethya raw kae rih khyh,

        Sarya raw kae rih khyh,

        Houh ka phy cih baccing, taenaw pyatu nynh thua.

3. Langmaw zuitu‘ae haw’t, saryanaw lung zemah,

        Taenaw thaloi ccyngte, malang houh cceih oh sih;

        Abang nynh lungthang‘ae zemah,

        Kae tuh houh ka phy cih,

        Phu-enaw lukhung nynh oun ngaw cipaw ka ny.

4. Baccing a doutu ta, pankhaetu ta na thua?

        Baccing pankhaetu‘ae, Kri nynh a pankhae‘ae;

        Baccing dou hynh ccoi thuing hawte,

        Amaw nynh accihhua,

        Kae baccing ka pankhae, taenaw pyatu nynh thua.