Update your settings

Doh is Bb.

1. Dotua oh seinaw oun cciakhae pahpaw,

       Chinaw Kalvari mua vawlan;

       Vaelangtung thing vawlan khe a taw hae,

       Kae ka elang a chii alua vae.

            Oun khumpaw Bawi a naw kyate,

            Chii te tui kha oun toikuh vae;

            Ka lungkhu khe tyty umsah,

            Ccungccaw sei thyaanaw tui.

2. A thawccinaw tui thyaa kha alua vae,

       Oun khumpaw Bawi chinaw kyate;

       Azungzaete khuin khe la singkuh oh,

       Ah muisaw oun khumpaw kalan khe.

3. A chii luanaw kya a singkuhpaw blyn,

       Mih seinaw tuitin hawt’ thyaa cih;

       Na seinaw blyn kha pong cciakhae tua,

       Rang kangmaw ae khum Bawi nynh ae ci.

4. Ka zo vae lan khyh seinaw lungkhu lang,

       Oun khumpaw ka Bawi Jesu nynh,

       Athyaapaw Muisaw te oun cciakhae,

       Na lungpawnaw hmin kha oun muihsah.