Update your settings

Doh is G.

1. Mohnaw lungkhu um‘ae paw kya

      Na awnaw kha langsahtua

      Yn khungtupaw Jesu liate

      Khumnaw kha a mue cih‘ae

            Bawipaw awnaw kha yn pyatua

            Rili te khua takyh kya

            Na thawcci sungsahnaw balyn kha

            Amee leite mue cih‘ae.

2. Khuazi mohnaw ngaethyanaw te

      Azopaw muisaw khungtua

      Accyh kha mah yn thangsei cih

      Rangsakute paccynkuh.

3. Namaw ae zuitu‘ae kyakhe

      “Thehoypaw bya hotua oh

      Nae kyakhe kae umkhae cih oh”

      Cite bya kha na kin‘ae

4. Thehoypaw bya houhouh cciatua

      Rili te khua takyh kya

      Mohnaw balyn aw ccavae sah

      Accyh kha alue mawhin.

305          E LAEPHI SEI MOHNAW

Doh is Bb.

1. E laephi sei mohnaw kyahin

      Hohse cia mou na um cih oh

      Mohnaw nynh laephi khung maw hin

      Tho lah awtua, tho lah awtua.

            (Tho lah awtua)2 Jesu nynh houh awsah ae ry

            Chinaw shaw kya na thua maw hin

            (Tho lah awtua)2.

2. Thaekuh ccavae a ih‘ae paw

      Michi‘ae kyate yn thotua

      Kri nynh tuh pung ae awsah cih

      Tho lah awtua, tho lah awtua.

3. Thawccinaw ccyh a um lyahin

      Ro leite amaw naekutua

      Na hiinnaw ccyh athang maw hin

      Tho lah awtua, tho lah awtua.

4. Tho lah awtua, houhouh naetua

      Rangmoh, ramrou vawsawnaw kya

      Bawipaw elan houh aw khylan,

      Tho lah awtua, tho lah awtua.