Doh is E.
1. Laephi nynh runaw ae pya cih, Thuasah rih nan oh ka
tae vae, Taetu thungnaw a kalan a pan zetuh,
Laephi ccinaw runaw tuileih, Maeking hawte rawku
zemah, Jesu min thungnaw te ah tae cih oh.
Jesu min sung ah thae oh te,
Hupaw sy thungnaw azo vae,
Vaawlang do lah na hiinnaw Bawipaw pya,
Chinaw a tae, laephi a tae,
Mitzu ccukhou hae a dan hae
A kuih tuh zynnaw te kyng lah na dan cih.
2. Ccinaw keiccu kum hohzeih cia, Lungriathae
lungvawsawnaw te, Sung thum kum tarya ngeccihpaw
a dan vae, Laesah hoi lei Jesu sungsahnaw,
Aening hanlan a dannawpaw, Na lungthang nan Jesu ae
dan sah cih.
3. Kum haw lea ning chiise lua nung, Jesu boei dung hae
te a dan, Zynnaw te sawsang lah a boei dung haetua,
Zyn khyhnaw thinlung hoi leite, Rulaeku lei Pachia
thungnaw, Liate na ccinaw kyate na dan cih.
4. Pachia hlaphua ngaepaw uno, Jesu min te na ccinaw
kha, Na kuih hae lah zynnaw te sawsang,
Na thinlung b'lyn te sia lah, David Ccapaw yn dan sah
tua, A kuih thungnaw liate na dan
vae cih.
