Doh is G.
1. Laevaw hiinzia hynh ka do zah.
Lungthangnaw te nynh abia,
Lae mirum te ccathya rou nynh,
Hanthung hae zah maehoy ccou hae,
Thuasah ccungkia lei hae tuh,
Byahoy maehoy ccou kho khyh hae.
Soihbiatu Jesu ka hoi tetuh,
Laephi kya sarya thua zemah
Lae te vaaw kya Bawihua Jesu,
Nyhpaw ka thua azaw nyng,
Hallelujah ka thehoysah cih.
2. Laephi kya tuh puithya hae te,
Hothya te ccaethya hae nynh.
Ban hae malang maehoy ccou hae,
Thuasah lae-ah kaw-ah hae te,
Mingaee muinthah thua zemah,
Laesah hoi lei sungsahtu ka hoi.
3. Aho zetuh va-aw te lann,
Hae mah phu-enaw a ccou hae,
Jesu Khri hiin hoitu nynh thua,
Phu-e laku a phu-ehua,
Puithya laku puithya hua,
Ah Pachia lasung thawccinaw.
4. Ramkaw tuurinpaw David mah,
Saipharan lang a raetu,
Ccungccaw miakaw sungsah lan raetu,
See lang zua hae paw Josef mah,
Minphuin ccang hae ram lungkhu,
lang Rae.
Bawi lang Raetu ah Paaw nynh thua.
